Македонија
Средба на армиските штабови на балканските земји
Во романскиот град Брашов се одржа четвртата Конференција на началниците на генералштабовите на вооружените сили на балканските земји, на која учествува Началникот на Генерал-штабот на АРМ, генерал-потполковник Мирослав Стојановски
На конференцијата на која покрај началникот на Генералштабот на АРМ учествуваат и началниците на генералштабовите на оружени сили на уште осум земји од Балканот, Турција, Албанија, Грција, Босна и Херцеговина, Бугарија, Црна Гора, Романија и Србија, беа презентирани заклучоците на координативната работна група на конференцијата.Во заедничката изјава началниците на генералштабовите на армиите од балканските земји се заложија за продолжување на соработката меѓу оружените сили во регионот, при што од особено значење е натамошното јакнење на воспоставените механизми за делување во борбата против асиметричните закани по безбедноста на Балканот, проширување на соработката на полето на обуката и вежбите, изнаоѓање нови можности за асистенција на цивилните структури во услови на природни катастрофи и друго. Заедничка констатација на сите учесници е дека Конференцијата на НГШ од Балканот претставува одлична алатка за јакнење на довербата, меѓу државите, но и за промоција на одличната меѓуармиска соработка, како силен импулс за натамошно јакнење на мирот и безбедноста во регионот и пошироко.На Конференцијата, свое излагање имаше и НГШ на АРМ генерал-потполковник Мирослав Стојановски во кое тој ја потенцираше улогата на вооружените сили во јакнењето на регионалната стабилност, при што неговиот предлог за одржување на петтата Конференција на НГШ во 2011 година да се одржи во Република Македонија, беше од сите учесници едногласно прифатен. На конференцијата, со свои анализи и погледи за прашањата поврзани со безбедноста и стабилноста во регионот, посебен придонес имаа заменик претседавачот на Воениот комитет на НАТО генерал-потполковник Валтер Гаскин, Претседавачот на Воениот комитет на ЕУ генерал Хакан Сирен и командантот на Здружената команда на НАТО во Неапол, адмирал Марк Фитцџералд, соопштија од министерството за одбрана на Република Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно со повремени локални врнежи од дожд
Променливо облачно со повремени локални врнежи од дожд. Ќе дува умерен, а долж Повардарието повремено засилен ветер од северозападен правец. Минималната температура ќе биде во интервал од 3 до 6, а максималната ќе достигне од 10 до 17 степени.
Во Скопје, променливо облачно, претпладне со повремени локални врнежи од дожд. Ќе дува умерен ветер претежно од северен правец. Минималната температура ќе се спушти до 6, а максималната ќе достигне до 16 степени.
Времето во наредните денови
Под влијание на стабилна воздушна маса следува период на суво и стабилно време. Утринската температура ќе се спушти под нулата, а во одредени котлини ќе има услови за појава на магла.
Македонија
Центар наскоро ќе стане првата општина во земјава со систем за мерење на бучава, рече Герасимовски
Општина Центар наскоро ќе стане првата општина во земјава со систем за мерење на бучава во реално време, најави градоначалникот Горан Герасимовски. Според него, јавната набавка е завршена, а веднаш по изборите ќе бидат поставени 30 мерни единици на различни локации.
„Заврши јавната набавка, чекаме да поминат изборите за да ги поставиме мерните единици – првично 30. Преку мобилна апликација, секој граѓанин ќе може да провери каква е фреквенцијата на бучава на одредена локација“, изјави Герасимовски.
Системот, како што објасни, ќе им овозможи на граѓаните докази при пријавување во Министерството за внатрешни работи или до општинските инспекциски служби. Целта е брза и ефикасна реакција на прекршителите, особено во зони каде што постојат проблеми со прекумерна бучава од угостителски објекти и сообраќај.
Во вториот дел од изјавата, Герасимовски зборуваше за следниот голем проект на општината – постепено затворање на Дебар Маало за моторен сообраќај, со што ќе се намали хаосот со паркирањето и ќе се создаде подобар квалитет на живот за жителите.
„Имаме ревидиран проект за затворање на Дебар Маало. Тој е доставен до Министерството за внатрешни работи и веќе имавме два состанока со МВР за да го подобриме и да добиеме одобрување. Така и беше договорено на последниот состанок“, рече Герасимовски.
Планот е Дебар Маало да се затвора дел по дел, почнувајќи веднаш по завршувањето на изборниот процес, а првата рампа веќе е поставена.
„Веќе поставивме рампа на почетокот на Боемска улица. Разговараме за начинот на кој таа зона ќе функционира, и тоа ќе биде пример за затворање и на други населби каде што сообраќајот и паркирањето се хаотични“, додаде градоначалникот.
Македонија
Николоски го претстави планот за Николиќ во Дојран: Уредена плажа, патека и подобро електроснабдување
Потпретседателот на ВМРО-ДПМНЕ, Александар Николоски, при посетата на дојранското место Николиќ, најави повеќе инфраструктурни и развојни проекти за локалното население и туристите.
Николоски посочи дека приоритет е решавањето на проблемот со снабдувањето со електрична енергија, бидејќи местото брзо се шири со нови куќи и викендици.
Како втор проект го најави уредувањето и осветлувањето на пешачката патека што ќе води од населбата до плажата, која, според него, ќе стане туристичка атракција.
Трет приоритет е уредувањето на плажата Николиќ, која ќе добие концесионер со обврска да ја трансформира во современо туристичко место.
Николоски додаде дека се разговара и за изградба на културен дом и решенија за предучилишно згрижување на децата.
„Убеден сум дека Илија Николиќ ќе биде новиот градоначалник на Дојран и дека заедно ќе ги реализираме овие проекти со поддршка од Владата“, изјави Николоски.

