Проектот на Министерството за образование интегрална евалуација почна да се применува во основните и средните училишта во земјава, а самиот проект се наметнал како потреба, велат од Државниот просветен инспекторат кои се надлежни да ја спроведуваат

„Кога ми падна в раце проектот интегрална евалуација јас реков ако нешто добро се има случено во образованието во изминативе 20-30 години тоа е интегралната евалуација.“- вели Џорџе Арсов директор на Државниот просветен инспекторат.Евалуацијата се спроведува во зависност од големината на училиштето и бројот на ученици па од двајца до петмина инспектори се присутни на местото на интегрирање и по неколку дена, со цел да ги опфатат осумте области на целокупното работење на училиштето.„По конечниот извештај истиот се доставува до градоначалникот, наставничкиот совет, училишниот одбор, родителите.“- вели Арсов  за Тера телевизија.Досега на ниво на земјава се опфатени 132 основни и средни училишта, резултатите се позитивни вели Арсов, но за целосна интеграција треба повеќе време, но позитивно е прифатено и од директорите, наставниците и учениците. Како продолжение на евалуацијата стартува и пилот проектот оценување на наставниците и до сега во 40 училишта пробно е спроведен.„Негативни се резултатите, наставниците заборавиле на своите законски обврски.“- вели Арсов.На ниво на Битола се забележала добра соработка меѓу локалната самоуправа и училиштата.„Битола е еден од градовите кои добро си ја сфатиле сериозно работата со децентрализацијата.“ додава Арсов.