Претседателот на Собранието, Трајко Вељановски даде половина час пауза по завршувањето на расправата за предлог-измените на Деловникот и повика пратениците на опозицијата да дојдат во собраниската сала и да учествуваат во гласањето за измените на Деловникот

Вељановски повика со консензус да се изгласаат измените на Деловникот, со цел унапредување на работата нa Собранието, но и упатување на позитивен сигнал до Европската Унија, непосредно пред одржувањето на Советот за стабилизација и асоцијација, закажан за следната недела.„Мислам дека колегите пратеници од опозицијата сепак го следат настанот, ја следат седницата преку телевизиските екрани и мислам дека е доволно за половина час да се вратат за да можат да го дадат својот придонес. Ве замолувам за половина час секој од пратениците да дојде и со позитивен сигнал да испратиме порака за интересите на Република Македонија“, рече Вељановски. Пратениците ја спроведоа расправата за измените на Деловникот во отсуство на речиси целата опозиција.Опозицијата остана на барањето за формирање на посебна комисија за контрола на трошењето на буџетските средства, кое остана единствено спорно прашање до целосно усогласување на текстот на измените.„ Се’ до вчера можеме да се пофалиме дека Парламентот има капацитет чекор по чекор, трпеливо да гради политички дијалог и заеднички решенија кои во интерес на граѓаните и евроинтегративните процеси на државата. Се до вчерашниот ден како резултат на интензивните политички разговори и дијалог водени со опозицијата, на секојдневните координативни средби, можеме да испорачаме порака до јавноста и до ЕУ и да добиваме повратни поттици дека сме на добар пат и дека треба да продолжиме“, истакна Вељаноски.Тој додаде дека на претпоследната координативна средба биле усогласени решенијата за мандатот и составот на Анкетната комисија за настаните од 1 јули, како и измените на Деловникот по мислењето на Венецијанската комисија и конкретните барања на опозицијата, но оти останало прашањето за изнаоѓање парламентарен механизам кое ќе ја има контролата на трошењето на народните пари.Имајќи предвид дека последното прашање може да ги закочи претходните две, како што рече, предложил заклучок првите две парашања активно да влезат во собраниска процедура, а истовремено да продолжи интензивно политичкиот дијалог за изнаоѓање парламентарен механизам за контрола на народните пари.„Опозицијата денеска ја нема да даде поддршка на веќе усогласениот текст на Деловникот. Затоа уште еднаш ги замолувам пратениците од опозиционите партии да влезат во салата и да пристапиме кон донесуваме на заеднички усогласени измени и дополнувања на деловникот. Ги повикувам да го валоризираме заедничкиот труд кој го вложивме измнитатите 20-тина дена со кој го потврдивме капацитетит на Паралементот дека чекор по чекор, трпеливо може да се гради политичкиот дијалог и да изнаоѓа заеднички решенија кои се во интерес на граѓаните и на евроинтегративните процеси на Република Македонија“, нагласи Вељаноски.Тој даде половина час пауза со цел, како што рече, да се врати опозицијата и да се донесе Деловникот со консензус. На седницата не присуствуваат пратениците од опозицијата, кои вчера се изјаснија дека парламентарното мнозинство ги носи измените на Деловникот без консензус. Опозицијата обвини дека ВМРО-ДПМНЕ наместо да ја прифати  најклучната забелешка за формирање комисија за контрола на трошењето на народните пари застанува во заштита на нивното криминално трошење.