Министерството за образование реагира во врска наводите изнесени од СДСМ, обајснувајќи дека ревизорските тимови за учебниците за основно образование се во фаза на формирање, па се прашуваме како СДСМ може да дава наводи за се уште непостоечки тела, односно тела кои се во фаза на формирање?

„Министерството уште еднаш би сакало да потенцира дека во ревизорските тимови ќе бидат вклучени и стручни лица, професори на факултети од соодветните области, професори од педагошките факултети, како и соодветни советници од Бирото за Развој на образованието“, се нагласува во реакцијата на Минитерството за образование и наука на денешната прес-кофнеренција на потпретседателот на опозицискиот СДСМ, Гордан Георгиев. Истовремено, од МОН тврдат дека нема да се дозволи каков и да е конфликт на интереси во телата задолжени за учебникарството.„Сценарија за ревизија со постоење очигледен конфликт на интереси веќе и беше презентирана на македонската јавност со ревизија на одобрениот учебник по физика од страна на Институтот по физика при Природно-математичкиот факултет во Скопје, кога еден од ревизорите беше авторот на конкурентскиот ракопис за учебник. Оваа ревизија не беше побарана од страна на Министерството, а ваков тип на „конкурентски“ ревизии и натаму нема да бидат барани и нема да биде начин на работа на ова министерство“, се вели мнешу другото во писмената рекација на МОН, од каде наведуваат и дека е непримерно да се дискредитираат членовите на Националната комисија за учебници кои се реномирани професори на факултети како и професори во средните и основни училишта од земјата, кои, пак,  се „именувани од страна на Владата на Република Македонија во постапка во согласност со позитивно-правните норми на Република Македонија.“