Економската криза и тешките реформи што треба да се спроведат на патот кон Европската Унија, според португалскиот државен секретар за европски прашања, Педро Луртие, се меѓу главните причини за падот на расположението на македонски граѓани за влез на земјата во Европската Унија

Според Луртие, падот на поддршката е својствено и за самите земји-членки на ЕУ. Смета дека спроведувањето на реформите е важно, не само заради зачленувањето во ЕУ, туку и поради долгорочната корист од нив.„Можеби гледате дека за време на оваа економска криза, поддршката за Европската Унија во многу други земји-членки благо се намали. Но, наша работа е, како членови на владата, не само да продолжиме со потребните реформи, туку и да ги примениме што е можно побрзо, што на среден и на долг рок ќе имаат позитивен ефект врз населението.“, изјави Луртие.Тој потенцира дека европската перспектива на западниот Балкан е јасна цел на ЕУ.„Што значи европската за западниот Балкан? Значи дека Европската Унија сака, тогаш кога се исполнети сите критериуми, сите земји од западниот Балкан да влезат во Европската Унија. Тоа значи дека земјите од западниот Балкан не партнери во надворешната политика на ЕУ, туку се нешто повеќе од тоа. Се разбира, кога сте нешто повеќе од тоа, одговорноста на двете страни, на земјите од западен Балкан и на ЕУ, се зголемува“, изјави Луртие.Дека проширувањето останува приоритет на ЕУ, смета и вицепремиерот за европски прашања, Васко Наумовски.„Проширувањето на Европската Унија не е дел од надворешната политика на ЕУ, туку е дел од една друга политика, многу позначајна од надворешната политика. Процесот на проширување на ЕУ, и покрај различните најави, останува високо на приоритетите на ЕУ. Наше задоволство е да констатираме дека државите од западниот Балкан имаат цврсто потврдена европска иднина.“, изјави Наумовски.Луртие и Наумовски разговарале и за интензивирање на економската соработка меѓу Португалија и Македонија. Најавија отворање на огранок на португалската стопанска комора во октомври во Скопје.