Македонија
Иванов: Актите на Грција – спротивни на привремената спогодба

Претседателот Ѓорге Иванов во своето синоќешно обраќање на 65-тото Генерално Собрание на Обединетите Нации рече дека Македонија чека пред вратите на Европската Унија и НАТО поради актите на Грција што се спротивни на привремената спогодба од 1995 г.
Претседателто Ѓорге Иванов пред Генералното Собрание порача дека земјата ги насочи целокупните свои капацитети за постигнување на врвните надворешно-политички приоритети – интеграција во НАТО и во Европска Унија, но и дека интеграцијата е попречена. „Би сакал да ве потсетам дека пред 15 години, токму тука во Њујорк, беше потпишана привремената спогодба со нашиот јужен сосед. Тогаш Грција се обврза да не го попречува членството на мојата земја во меѓународни и регионални организации и нејзината интеграција. И покрај тоа, морам да го споменам фактот дека мојата земја сеуште чека пред вратите на овие две организации поради актите на нашиот јужен сосед, што се во спротивност со обврските превземени со привремената спогодба од 1995 година“, рече Иванов.Македонскиот претседател пред Генералното Собрание рече дека Македонија е целосно посветена на изнаоѓањето взаемно прифатливо решение на проблемот со името во рамки на механизмите воспоставени од страна на Обединетите Нации.„Засегнати се нашето име, правото на самоидентификација и човековиот дигнитет. Ние правиме се што е во наша моќ да негуваме блиски и пријателски односи со соседна Грција, со нејзиниот народ. Решение може да биде најдено само во рамки на Обединетите Нации, резолуцијата, меѓународното право и принципи, на кои почива меѓународното право“, рече Иванов.Иванов информираше и за неговата средба со грчкиот премиер, Јоргос Папандреу, која според него, била во насока на градење на меѓусебна доверба и разбирање.Изнаоѓањето на решение на името, според македонскиот претседател, ќе биде голем чекор за нас, но и за исполнувањето на заедничката визија на целиот регион
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Драматично кај Јасен: Спречена катастрофа кога огнот се проширил кон блиските објекти

Голем е пожарот кој со денови беснее во ловиштето Јасен, а надлежните во повеќе наврати успеваат да го стават под контрола, по што повторно избувнува.
Директорот на Дирекцијата за заштита и спасување, Стојанче Ангелов, соопшти дека попладнево огнот се заканил на објектите на ЈП Јасен но со брза, енергична и одлучна акција со повеќе возила кои претходно биле поставени во полукружна одбрана, огнот бил сопрен во близина на самите објекти. Состојбата ја опиша како драматична.
„Прилагодените пинцгауери и хермелини по којзнае кој пат се покажаа одлични, без нив целата оваа борба против огнената стихија ќе имаше друг тек“, рече Ангелов.
Упати голема благодарност до припадниците на специјалните единици на Армијата и Полицијата, Волци, Ренџери и ЕБР како и до пожарникарите од скопската бригада за противпожарна заштита и вработените во ЈП Јасен како и Национални Шуми. Благодарност упати и до Илија Бојаровски – задолжен за односи со јавноста, за кој Ангелов рече дека се наголтал прашина и чад снимајки пеколни сцени, за пожтвуваната борба против пожарите кои беснееја низ државата.
Македонија
Ивановска се кандидира за градоначалничка на Центар: „Не барам моќ, туку сакам да им ја вратам на граѓаните“

Поранешната претседателка на Антикорупциска комисија, Билјана Ивановска, официјално најави кандидатура за градоначалничка на Општина Центар како кандидат на граѓанската политичка платформа „Независни заедно“.
Ивановска најави дека во кампањата ќе се фокусира на решенија, а не на лични напади. Таа истакна дека во Центар ги дели истите проблеми со граѓаните и дека правдата, интегритетот и одговорноста се вредности кои ќе ги применува во креирањето на политики.
„Мојата визија е Општина Центар да биде на граѓаните, а не на профитот. Досегашната состојба е резултат на многу корумпирани и лукративни политики кои го занемарија интересот на граѓаните. Мене не ме водат апетити за профит, јас ги вложувам моите интегритет и капацитет за да понудам решенија кои можат да бидат добри за живеење и да го вратат достоинствениот живот. Не барам моќ и функција, туку сакам моќта да им ја вратам на граѓаните“, рече Ивановска.
Во рамки на платформата „Независни заедно“ членуваат граѓанските иницијативи „Шанса за Центар“, „Зелените за Гази Баба“ и „Групација 398“. Платформата е во процес на собирање потписи за формирање политичка партија.
Македонија
Мицкоски: Над 40 милиони денари за субвенционирање на сметките за електрична енергија за ранливите граѓани

Преку Министерството за енергетика, минерални суровини и рударство е распишан јавен повик кои што можат да аплицираат оние семејства кои што ги исполнуваат условите за субвенционирање на сметките за електрична енергија.
Премиерот Христијан Мицкоски рече дека за таа цел се превидени повеќе од 40 милиони денари, одговарајќи на новинарско прашање дали владата ќе ги субвенционира ранливите граѓани во покривање на трошоците за електрична енергија.
Мицкоски нагласи дека Македонија има најниска цена на електричната енергија, што не е случај со државите од соседството кои што имаат зголемување на цената на струја од 15, 20 па и 30 проценти.
„Но, она кое што исто така можам да го кажам во многу период на регулирање на електричната енергија откако е оваа Влада 14 месеци, ние немаме покачување на електричната енергија за домаќинствата што не е случај во околината.
Ако ги гледате другите држави ќе видите дека таму електричната енергија е покачена, 15,20 па во некои држави од соседството и 30 проценти. Така што и според Евростат и според сите параметри ние сме држава во Европа која што има најниска цена на струја за или една од двете, трите најниски цени за електрична енергија за домаќинствата.“, посочи премиерот Мицкоски.