Македонија
Георгиевски ќе прифати дуел со Стојменов, само ако бидат јавно објавени кодошите

Кога Комисијата за лустрација официјално ќе ги соопшти имињата на пратениците за кои е водена постапка, тогаш може да се разгледа и да се прифати предлогот на Борис Стојменов за ТВ дуел со Љубчо Георгиевски, велат од ВМРО – Народна Партија.
Кога Комисијата за лустрација официјално ќе ги соопшти имињата на пратениците за кои е водена постапка, тогаш може да се разгледа и да се прифати предлогот на Борис Стојменов за ТВ дуел со Љубчо Георгиевски, велат од ВМРО – Народна Партија.
Од партијата велат дека ќе бараат да се направат измени во Законот за лустрација, односно таа да важи до денес и имињата на оние за кои ќе се утврди дека соработувале со тајните служби јавно да бидат објавувани.
„Ние ги поддржуваме и бараме да се направат измени во законот. Прво за да може лустрацијата да ги опфаќа сите до денес што биле и што моментално се на некакви функции и второ нивните имиња јавно да бидат објавени“, рече Никола Тасев, директор на центарот за комуникации на ВМРО-НП
Тасев рече дека ќе инсистираат процесот на лустрација да не завршува, туку со измените да бидат повторно лустрирани и оние кои веќе го поминале тој процес./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ВМРО-ДПМНЕ: И Пендаровски стана дел од пазарџиско-политичката операција наречена попис

И Стево Пендаровски стана дел од пазарџиско-политичката операција наречена попис по стандарди на Зоран Заев, велат од ВМРО-ДПМНЕ, откако вчера претседателот го потпиша Указот за прогласување на законот за попис на населението.
Според опозицијата, наместо реална статистичка слика, очигледно власта е решена да спроведе попис без јасна методологија и без општествен консензус.
„Целта е јасна, Заев прави политички дил за кој веќе почнаа да се шпекулираат бројот на население, проценти и резултати, на кој само треба да се стават врзаните потписи на директорот и заменикот директорот на Заводот за статистика. Тоа е класична политичка операција. Дека ова е политика, а не статистика говори и фактот што целата операција се прави во време на епидемија, кога голем број земји од регионот и Европа ги одлагаат своите пописи за да ги заштитат пред се своите граѓани, но и да добијат прецизна слика. Власта во Македонија напротив, брза, со цел да го скрие својот политички договор“, смета ВМРО-ДПМНЕ.
Oд партијата велат дека од ваквиот насилен попис во кој биле одбиени сите конструктивни предлози на опозицијата, штета ќе имаат сите граѓани, а најмногу Македонија.
ВМРО-ДПМНЕ додава дека е потребно да биде спроведен попис, но како статистичка а не политичка операција, па затоа, тие ќе отпочнат со собирање на граѓански потписи со цел поништување на Законот.
Македонија
СДСМ: Штетни се обидите за наметнување дебата колку проценти е било која етничка заедница

Штетни се обидите за наметнување дебата колку проценти е било која етничка заедница, велат од владејачкиот Социјалдемократски сојуз на Македонија, коментирајќи дека пописот ќе ја регистрира реалноста таква каква што е, а резултатите нема да значат суспендирање нечии права.
СДСМ се децидни дека пописот на населението е од клучно значење за развојот на државата и граѓаните, а по него ќе може да се креираат мерки и политики кои одговараат на вистинските потреби на народот – економски, здравствени, образовни, социјални, културни, со што ќе се унапредат и нивните права и придобивки.
„Немањето попис цели две децении е штетно. ВМРО-ДПМНЕ го прекина последниот обид за попис во 2011 и тоа го направи откако потроши милиони евра народни пари, а сега, како и при сите клучни работи во државата бара причини за блокади и опструкции и се обидува да го саботира целиот процес. Губитникот Христијан Мицкоски и неговото ВМРО-ДПМНЕ делуваат спротивно на интересите на граѓаните и на државата, шират невистини и оспоруваат резултати на уште неспроведен попис и ги повикуваат граѓаните на прекршување на законите“, велат од СДСМ преку соопштение.
Партијата појаснува дека пописот е статистичка операција, која ќе ја реализира Државниот завод за статистика, според сите европски и меѓународни стандарди.
Македонија
Заладување со врнежи од снег и температури до 9 степени

Времето денеска ќе биде облачно со повремени врнежи, кои на планините и на повисоките места ќе бидат од снег, а попладне ќе преминат во снег и на повеќето пониски места, но ќе слабеат на интензитет. Особено попладне и кон крајот на денот ќе дува силен северен ветер, што ќе услови нагло опаѓање на температурата.
На планините снежната покривка дополнително ќе се зголеми, а поради засилениот ветер, ќе има услови за појава на снежни наноси. Во западните делови ќе се формира мала снежна покривка и на пониските места.
Минималната температура ќе биде во интервал од 0 до 5, а максималната ќе достигне од 3 до 9 степени.
Во Скопје облачно со повремени врнежи од дожд, кои попладне ќе преминат во снег, но ќе слабеат. Ќе дува засилен северен ветер. Минималната температура ќе се спушти до 2, а максималната ќе достигне 5 степени.
В среда ќе дува силен северен ветер и на места сè уште ќе провејува снег. В четврток ќе настапи преодна стабилизација на времето, но ќе се задржи студено. В петок кон крајот на денот во западните делови се очекуваат нови врнежи од дожд, а на планините од снег.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот