ВМРО-ДПМНЕ изразува почит кон борците од народно ослободителната војна, кон сите борци кои се бореа и ги положија своите животи за слободата на Македонија, рече на прес-конференција членот на Извршниот комитет на владејачката партија, Гордана Јанкулоска

Честитајќи го празникот 11-ти Октомври, кој, како што истакна Јанкулоска, е ден на кој се сеќаваме на Народно ослободителната борба и несебичната жртва на сите херои за светиот идеал за слободна и суверена Македонија, како темел за македонската самобитност.„Ова е ден во кој треба да се потсеттиме дека само единствени и сплотени можеме да ги оствариме вековните стремежи и идеали на нашиот народ. Поделбата и поставувањето на партиските интереси и цели пред интересите и стратешките цели на Република Македонија не е добро за развојот на државата“, посочи Годрана Јанкулоска.Според Јанкулоска, поделбата на националното и државно ткиво е нужна потреба на политички партии и концепти кои во суштина немаат што да им понудат на граѓаните. „Жалиме што денес го гледаме тоа. Жалиме што денес има партии кои одлучија и на ваков  ден, државен и национален празник, да ги делат граѓаните по политички линии“, додаде министерката за внатрешни работи денска во својство на претставник на Изршниот комитет на ВМРО-ДПМНЕ.Како што рече Јанкуловска, владејачката партија ги осудува обидите за злоупотреба на 11-ти Октомври за партиски цели. „ВМРО-ДПМНЕ им се придружува на сите реакции на граѓаните, на партиите, на Сојузот на борците, на бранителите, кои одеа во насока на неприфаќања на желбата за злоупотреба на овој празник“, нагласи Јанкулоска.„За ВМРО-ДПМНЕ, политичката култура и политичкиот капацитет на една земја, се цени и од аспект на атмосферата која ја креираат заедно и опозицијата и позицијата. Заедничкиот напор и активниот ангажман на сите политички субјекти и чинители, се критериуми за оценка на демократијата на државите“, рече Јанкулоска.Таа во иемто на партијата апелира политичката дебата да се одвива со аргументи, да постои борба на програми и предлози кои ќе го подобрат животот на граѓаните.„ВМРО-ДПМНЕ секогаш ќе стои во одбрана на демократијата и демократските вредности, затоа што тоа е она што го бараат граѓаните. Тоа е она што и треба на Македонија“, нагласи Јанкулоска.