Македонија
Јанкулоска не ги коментира судските пресуди

Министерката за внатрешни работи Гордана Јанкулоска не ги коментира судските пресуди за предметите против организираниот криминал кои паднаа на апелација
„Јас не би ги коментирала судските одлуки бидејќи тоа е неупатно да го прави министер за внатрешни работи. Ние и понатаму интензивно ќе работиме во соработка со обвинителството на подготвување на случаите и обезбедување на документација врз основа на која судовите ќе може да донесат објективна одлука. Кога станува збор за комплексни случаи неретко се работи за материјали од стотици и стотици страници доказен материјал и во изолиран број на случаи, јас би рекла многу мал, имаше одлуки на судовите каде што заради процедурални пропусти предметите беа вратени на повторно судење. Меѓутоа мислам дека е најдобро да го почекаме финалниот исход од овие предмети, а потоа би можеле да дадеме сопствено мислење дали сме или не сме задоволни од пресудите. Сепак најдобро е да се почека правосилноста на пресудите или нивната конечност за да може да се даде квалификација“ изјави Јанкулоска. Таа истакна дека министерството за внатрешни работи продолжува со борбата против организираниот криминал. Денеска во касарната „Ѓорче Петров“ беше пуштен во употреба реконструиран објект за потребите на Одделот за борба против трговија со дрога. За реконструкцијата на овој објект американската амбасада донираше скоро 400.000 американски долари. „Со пуштањето во употреба на оваа зграда ја продолжуваме нашата заедничка борба против трговијата со дрога и ги зголемуваме вашите способности за апсење на шверцерите на дрога. Тоа ќе ги направи нашите улици и нашите деца побезбедни“ изјави американскиот амбасадор во Македонија, Филип Рикер. На пуштањето во употреба на објектот, беа присутни и скопскиот Јавен обвинител, Марко Зврлевски и Јован Илиески јавен обвинител на Основното јавно обвинителство за гонење на организираниот криминал и корупцијата. И покрај инсистирањето на новинарите Илиески да одговори зошто паѓаат обвиненијата за организиран криминал, тој не се појави да даде изјава. Во последнава година паднаа повеќе пресуди за организиран криминал. На апелација падна случајот „Изгрев“, „Змиско око“ како и пресудите за Владо Бучковски и Васил Тупурковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Во Рашче има приведени поради пукање на свадба

Две лица беа приведени вчера во скопското село Рашче поради пукање на семејна веселба.
„Околу 22 часот во СВР Скопје е пријавено дека се слушаат истрели во селото, по што веднаш се преземени соодветни мерки и активности и утврдено е дека Е.К. и Б.К. со гасни пиштоли пукале на свадба“, соопшти МВР.
Тие се приведени во полициска станица и по целосно документирање на случајот ќе бидат поднесени соодветни поднесоци.
Македонија
ВМРО-ДПМНЕ и натаму бара оставка од обвинителот Коцевски

ВМРО-ДПМНЕ и денеска упати јавен повик до обвинителот, Љупчо Коцевски, да си поднесе оставка поради, како што велат, компромитирање на независноста на Обвинителството. Партијата го обвинува Коцевски дека ја претворил обвинителската функција во партиски сервис на СДСМ и ДУИ, со што, според нив, ја довел правдата во заложништво на политичките интереси.
Во соопштението од ВМРО-ДПМНЕ се наведува дека со негласањето на интерпелацијата во Собранието, СДСМ ја покажало својата поддршка за Коцевски како чувар на нивните функционери од кривична одговорност.
Партијата посочува дека довербата во обвинителот е падната под 2 проценти и дека тој, и покрај изгласаниот притисок и интерпелацијата, одбива да поднесе оставка.
Македонија
Царините на Трамп стапија во сила, стапката за Македонија е 15 отсто, како и за земјите од ЕУ

Царините на американскиот претседател Доналд Трамп за увоз од десетици земји, кои се движат од 10 до 50 проценти, стапија ВО сила и ја ставија на тест стратегијата на републиканците за намалување на трговскиот дефицит.
Царинската и граничната заштита на САД (CBP) започна со собирање повеќе царини во 00:01 часот по источно време, по недели неизвесност околу конечниот процент на мерките на Трамп и забрзаните преговори со земјите од целиот свет кои сакаа да ги намалат.
Основен процент од 10 проценти претходно беше воведен за увоз од многу земји откако Трамп ги паузираше повисоките царини објавени на почетокот на април. Но, американскиот претседател оттогаш често ги менуваше своите планови, па затоа воведе повисоки стапки за некои земји.
Ова вклучува 50 проценти увоз од Бразил, 39 проценти од Швајцарија, 35 проценти од Канада, Србија, и 25 проценти од Индија. Во среда, тој објави дополнителна царина од 25 проценти за увозот на руски енергетски производи од Индија, која ќе стапи во сила за 20 дена.
Во пресрет на стартот на царините, Трамп зборуваше за милијарди долари што ќе се влеат во САД, главно од земји за кои тврди дека ги искористиле САД.
Осум големи трговски партнери кои сочинуваат 40 проценти од трговијата со САД постигнаа рамковни договори со Вашингтон, вклучувајќи ја Европската Унија, Јапонија и Јужна Кореја. Тие обезбедија основна каматна стапка од 15 проценти. Велика Британија се согласи на 10 проценти, а Виетнам, Индонезија и Филипините помеѓу 19 и 20 проценти. Стапката за Македонија, како што претходно беше објавено, изнесува 15 проценти.