Македонија
Бучковски не дојде на судење

Во Основниот суд 1 во Скопје денеска се одложи второто рочиште од повторениот судски процес против поранешниот премиер Владо Бучковски
На денешното рочиште не се појави токму Бучковски. Писмено ја известил судиката и телефонски адвокатот, дека за денешниот ден е планиран да биде главен говорник на опозицијата на Собрание. Во поднесокот навел дека ќе се дискутира за Законот за кривична постапка за кој се поднесени повеќе амандмани кои Бучковски треба да ги образложи. Судијката се налути и кажа дека за Бучковски побитно е да дојде на судење. Таа ги опомена сите дека ако повторно дојде до ситуација да одлага претрес ќе примени поригорозни мерки, а тоа според законот е притвор за обвинетите. Бучковски е обвинет за малверзации со набавка на тенковски делови во Министерството за одбрана. Тој пред две години беше осуден на три и пол годишна затворска казна која Апелациониот суд ја укина. Предметот е на повторно судење но не во организиран криминал туку во обичен. Претходниот пат судењето се одложи оти не дојде директорот на МЗТ ФОП Митре Петковски. Неговиот адвокат го оправда без медицинска документација. На судиката и кажа дека по телефон бил информиран дека на Петковски има проблеми со чирот. И она овој судски процес беа присутни претставници на Коалицијата за правично судење и претставници од американската амбасада. Пред две години беше донесена осудителна пресуда со која екс министерот Бучковски беше осуден на 3 и пол години затвор за набавка на прекумерна количина резервни делови за тенкови. И поранешниот началник ја Методиј Стамболиски доби истата казна. Двајцата логистичари во одбраната Ацо Ѓурчевски и Нелко Менкиновски, но и директорот на МЗТ ФОП Митре Петковски, беа осудени на тригодишни казни затвор. Осудените беа задолжени и солидарно во буџетот да вратат 2,4 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Мицкоски: Завршен првиот дел од санацијата на хидросистемот Ѓавато, кој повеќе од 4 години беше со пробиени цевки

Заврши првата фаза на санирање на хидросистемот Ѓавато. Бунарскиот дел е комплетно завршен, пуштена е водата и нема никаде протекување, објави премиерот, Христијан Мицкоски.
Тој додаде дека останува уште една интервенција на цевката за испуст и со тоа ќе бидат дуплирани количините вода кои ќе се влеваат во Дојранското езеро.
„Каква беше состојбата пред интервенцијата? Повеќе од четири години пробиени цевки на двата функционални бунари. Потрошени повеќе од половина милион евра за електрична енерија, а ефектот минимален или никаков. Два функционални од десет направени бунари. Негрижа и срам. Во втората фаза ќе обезбедиме најмалку уште две бунарски пумпи за зголемен капацитет и побрзо полнење на Дојранското езеро. Владата во втората фаза ќе го задолжи ФОД при ЕСМ (поранешно ЕЛЕМ) да ги репарира постојните потисни пумпи. Конечно во последната трета фаза ќе инсталираме сончеви панели со батерии за акумулирање на електричната енергија и сопствено производство на електрична енергија. Нема трошење милиони евра од буџетот за електрична енергија“, напиша Мицкоски.
Македонија
СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за градоначалници во уште 11 општини низ државата:
1. Бутел – Оливера Ливриниќ
2. Велес – Маја Хеско
3. Гевгелија – Миле Атанасов
4. Делчево – Дејан Глинџарски
5. Демир Капија – Лазар Петров
6. Конче – Благој Илиев
7. Кратово – Влатко Спировски
8. Кривогаштани – Игор Каравиловски
9. Македонски брод – Ивица Стојковски
10. Ранковце – Даниел Крстевски
11. Старо Нагоричане – Далибор Трајковски
„СДСМ јасно ја потврдува својата подготвеност да понуди силни, чесни, квалитетни и докажани кандидати за претстојните локални избори кои ќе работат во интерес на граѓаните и напредок на општините’“, соопштија од партијата.
Македонија
Гужва на границите: на Богородица и Табановце се чека по 40 минути

Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, информира АМСМ.
На ГП Богородица времето на чекање за влез е околу 40 минути, на ГП Дојран времето на чекање за влез е околу 20 минути, на ГП Табановце времето на чекање за излез е околу 30 минути, додека пак на останатите граничните премини од македонска страна нема подолги задржувања за влез и излез од државата.
Од денеска од 05:00 часот регионалниот пат Р-1106 Нова Брезница – Македонски Брод преку националниот парк Јасен ќе биде пуштен за сообраќај во термините од министерство за внатрешни работи. Се препорачува внимателно возење, почитување на сигнализацијата и прилагодување на брзината поради можни одрони на патот.