Македонија
Иванов: Законот за безбедносните служби е во полза на државата и граѓаните
Решенијата ќе бидат резултат на заемните ставови што ги изградува државниот врв и ќе биде донесена одлука со консензус, така што, се што е во корист на државата, во корист на демократијата, и во полза на граѓаните и на Македонија, ќе добијатмоја поддршка, рече претседателот Иванов
Ова го изјави во понеделник Претседателот на Република Македонија Ѓорге Иванов, за Предлог законот за безбедносните служби кој се уште е во подготовка. Со работната верзија на законот се предвидува спојување на Дирекцијата за безбедност и контраразузнавање, Агенцијата за разузнавање и Военото разузнавање.Иванов додаде дека моделот на безбедносниот систем треба да биде функционален и кооридиниран, а особено во полза на државата и сите нејзини граѓани.„Ќе изградиме модел според нашите специфичности, кој ќе има систем со многу поголема координација и соработка, кој ќе биде интегриран систем. Државниот врв посветува сериозно внимание на функционирањето на целиот безбедносен систем зашто искуствата ни покажуваат дека досега немавме добра координација и добра размена на информации, затоа ги користиме сите позитивни искуства од Европа, добрите практики. Бидејќи нема единствен модел во цела Европа, настојуваме да имаме модел кој ќе биде функционален и кооридиниран. Така што решенијата кои ќе дојдат ќе бидат резултат на заемните ставови што ги изградува државниот врв и тоа ќе биде одлука донесена со консензус. Се што е во корист на државата, во корист на демократијата и во корист на граѓаните на Македонија ќе биде поддржано од мене,Тој изјави дека државниот врв посветува сериозно внимание на функционирањето на целиот безбедносен систем бидејќи досегашните искуства говореле дека до сега немало добра координација и добра размена на информации.„Затоа ги користиме сите позитивни искуства од Европа и добрите практики, бидејќи нема единствен модел за цела Европа и затоа нас ни треба модел кој ќе биде функционален и координиран,“ рече Иванов и додаде дека ќе биде одбран оној модел кој најмногу одговара за Македонија.На новинарско прашање за тоа дали би му пречело тоа што во нацрт законот за тајните служби кој е во игра, Претседателот како функција останува без ингеренции, Иванов одговори дека моделот кој ќе се избере ќе биде поинтегриран.„Не. Постојат решенија кои се земени од некои земји во Европа, меѓутоа ние ќе изградиме модел кој ќе биде специфичен за нас и нашите специфичности, систем кој ќе има многу поголема координација, многу поголема взаемна соработка и кој ќе биде навистина интегриран систем,“ рече Иванов.Претседателот информираше дека и од Евроамбасадорот Ерван Фуере биле побарани предлози за најдобрите европски практики во носењето на вакви закони.„Ние побаравме од него да ни дадат кои се најдобрите европски практики, каде тоа е применливо и што од тоа може да искористиме, но се уште е во фаза на разработка и на ниво на идеја сето тоа,“ изјави Иванов.Како што претходно соопшти Министерката за внатрешни работи, Гордана Јанкулоска, Предлог законот за безбедносните служби предвидува постоење на две безбедносни служби. Овој нацрт–закон предвидува постоење на цивилна и воена разузнавачка служба. Според овој концепт, цивилните служби, односно Агенцијата за разузнавање и УБК ќе се спојат во една служба, а военото разузнавање и понатаму останува во ингеренции на министерството за одбрана. Новата служба, која ќе се нарекува, Управа за државна безбедност ќе биде под раководство на координативно тело со кое ќе раководи Министерот за внатрешни работи. Претседателот на државата ќе има свој претставник во координативното тело кое ќе управува со споената безбедносна служба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Сончево со мала до умерена облачност, од пладневните часови со услови за локална нестабилност со краткотраен пороен дожд
Времето денеска, ќе биде сончево со мала до умерена облачност. Од пладневните часови ќе има услови за локална нестабилност со краткотраен пороен дожд и појава на грмежи. Ќе дува слаб ветер од јужен правец. Минималната температура ќе биде во интервал од 3 до 10, а максималната ќе достигне од 17 до 23 степени.
Во Скопје сончево со мала до умерена облачност и во делови од регионот со услови за краткотарен пороен дожд. Минималната температура ќе се спушти до 6, а максималната ќе достигне до 22 степен.
Од недела следува период на стабилно и топло време, а дневните температури ќе бидат повисоки за 3 до 5 степени.
Македонија
Николоски: На 8 мај потребна е масовна референдумска излезност за влада на ВМРО-ДПМНЕ која нема да е уценувана од никого, за СДСМ и ДУИ во опозиција
„Во првиот круг му поставував прашања на Пендаровски, не одговори на ниедно. Наместо да одговара прашања, плаќаше ботови по социјални мрежи лично да ме навредуваат мене и моето семејство, народот му кажа што мисли за тоа. Но, морам да го прашам уште нешто затоа што се работи за злоупотреба на државни пари“, истакна носителот на ВМРО-ДПМНЕ во ИЕ 4 Александар Николоски на денешниот митинг на ВМРО-ДПМНЕ во Општина Кавадарци.
Тој продолжи и додаде: „Пендаровски до денес не одговори дали ќе ги користи или нема да ги користи привилегиите кои ги следуваат поранешните претседатели, еднаш невешто одговори дека за тоа ќе се изјаснел во 2029 година, ама очигледно ќе треба да се изјасни на 12 мај затоа што тогаш и официјално му завршува мандатот, тоа е четири дена после изборите и мислам дека е чесно и кога ќе дојде тука во Кавадарци да каже дали ќе е пензионер со најголема пензија во Македонија и поранешен претседател кој најдолго ќе ги користи народните пари. А во меѓувреме е фер да каже уште вечерва ако може дали е вистина или не од пусти мерак за претседателствувања ама и за користење на привилегии дека побарал да му се отвори вилата во Охрид и ќе седел следни пет дена таму да искористи уште некој ден покрај охридското езеро, дали е вистина ова Стево Пендаровски и дали е вистина дека со цело друштво одиш таму да поседите уште некој ден на државен трошок, одговори пред граѓаните“, истакна Николоски.
Рече дека на 8 мај треба уште помасовно да се излезе, во уште поголем број и разликата во Кавадарци да е уште поголема и додаде дека е потребна масовна референдумска излезност на 8 мај за влада која нема да е уценувана од никого, за СДСМ во опозиција, за ДУИ во опозиција.
„Ве повикувам да ја прочитате нашата програма Платформа 1198, тие не размислуваа на проекти и не реализираа проекти, затоа ние ќе реализираме. Ќе реализираме и експресен пат од Кавадарци до Неготино и спојување на Кавадарци со автопатот. Ќе реализираме и отворање на граничен премин со Грција како би станало многу блиску да се патува помеѓу Кавадарци и Воден и да се спојат овие два дела на географска Македонија. Ќе ги помагаме земјоделците, за лозарите достоинствени цени за виното и рестартирање на Повардарие како би се срушил монополот во откупот на грозје и производството на вино подостоинствен живот за сите, повеќе субвенции и повеќе ред за сите. Затоа на 8 мај масовно да излезете“, дециден е Николоски.
Македонија
Мицкоски од Кавадарци: Мобилизација и масовна излезност, колку повеќе гласаат, толку поголема ќе биде силата за промени
Во првиот круг издвојувавме огромна победа, која покажа дека народот е свесен за тоа што се случува во нашата татковина. Ова е револуција на народот, пред се затоа што преовладува чувството дека во сопствената земја народот стана кираџија. И тоа токму поради дуото СДСМ-ДУИ, рече Христијан Мицкоски, претседател на ВМРО-ДПМНЕ на вечерашниот митинг во Кавадарци.
Мицкоски посочи како ништо не функционира и како институциите не се во корист на граѓаните.
„Институциите повеќе не служат на народот. Се чека за пасоши, лични карти, за документи кои му следуваат на народот. Овој проблем го препуштија да го решава ВМРО-ДПМНЕ и Панче Тошковски, додека во секоја друга сфера има подеднакво назадување. Во здравството докторите и медицинскиот персонал протестираат. Доколку сакате било која здравствена услуга или ќе мора да платите или да побарате врски. Ако не е така ќе мора да чекате по ходници, ќе ве маткаат со процедури, додека не се откажете. Животниот стандард е под секое ниво. Корупција насекаде, правда никаде“, кажа Мицкоски.
Мицкоски укажа дека проблемот е што ДУИ е газдата во државата.
„Нашите, вашите судбини зависат од стотина души на ДУИ кои контролираат се. Артан Груби и компанијата се господари на Македонија, но и одговорни за колективниот грабеж. Велат дека ДУИ никогаш немал подобар партнер за власт како СДС. Што и да им побарале, не добивале сто проценти, туку дупло двеста. И затоа е и сега нервозата во ДУИ, зошто знаат по овие избори ниту ќе имаат власт, ниту пак ќе имаат измеќари како СДС“, изјави Мицкоски.
Мицкоски рече дека овие денови силно се ангажирани на две сценарија кои во суштина се завера против Македонија.
„Првото е сценарио на бојкот. Второто сценарио е пазарџиска делба со ДУИ на ресори и министерства, при што Ковачевски оставил на Ахмети сам да одреди колку министерства ќе му остави на СДСМ. И двете сценарија се губитнички за Македонија и удираат по нејзините основи“, кажа Мицкоски.
Мицкоски заклучи дека решението за сето ова е масовна излезност.
„Мобилизација и масовна излезност. Решението и за бојкотот и за пазарџиската поделба на ресори е само едно масовно гласање на избори. Колку повеќе гласаат, толку поголема ќе биде силата за промени“, рече Мицкоски.