Полицаецот Ѓорѓи Николов, од полициската станица Кочани кој беше казнет поради тоа што давал изјава за медиумите без одобрение од старешина, во која се жали за однесувањето на неговиот командир, е уште еднаш казнет за несоодветно однесување пред дисциплинската комисија

Првиот пат беше казнет со 15 отсто од плата во период од три месесеца, а сега е казнет уште шест месеци со казна од 15 отсто.Николов кој го обезбедувал теренот пред полициската станица во Кочани, каде што е забрането паркирање на возила, интервенирал кога пред станицата се паркирал голем џип.  Тој му рекол на возачот да го тргне возилото, но тој почнал да го навредува, по што влегол во полициска станица. Ѓорѓи Николов му напишал две казни на лицето за неправилно паркирање и за навреда на службено лице.Потоа бил повикан од командирот, кој му рекол да ги искине казните, но Николов одбил. Заради тоа добил смена на работно место, односно бил преместен да ја извршува својата должност во ромско маало во Кочани и му било скратено 15 отсто од платата, а потоа уште 15 отсто за шест месеци, за несовесно однесување пред дисциплинската комисија.Со ова Николов цела плата ќе земе, дури во август идната година. За здружението „Достоинство“ ова е само еден од многуте напади врз нивното здружение.„Дали ова е награда за Ѓорѓи, заради тоа што се бореше во 2001 г. Ова е еден од многуте директни напади врз „Достоинство“ Но „Достоинство“ никој нема да го замолчи“ вели претседателот на здружението Стојанче Ангелов.Тој не сакаше денеска да коментира за новото здружение на бранителите „Бедем“ кое го обвини за негова поврзаност со Љубе Бошкоски, најави посебна прес-конференција за ова прашање.Според него, на собирот на „Достоинство“ немало 100 луѓе кои претходно биле членови на „Достоинство“.