Македонија
Тодоров: Сместувањето во „Стив Наумов“ беше под секое човечко достоинство

Околу 300 студенти од Студентскиот дом „Стив Наумов“ во Автокоманда се вселија во нови реновирани соби што претставува втор реконструиран дом во последните дваесет години
„Клучна работа при реновирањето на студентските домови е да се обезбеди тоалет во секоја соба. Студентите до минатата година беа сместени во бараките од спротива кои се во очајна состојба, сместувањето беше под секое човечко достоинство“, рече министерот за образование и наука, Никола Тодоров при денешната посета на студентскиот дом.Тодоров за наредната година најави целосна реконструкција на очајните услови во Студентскиот дом „Медицинар“, како и за изработка на студија на јавно приватно партнерство од аспект на енергетска ефикасност за домот „Гоце Делчев“.„Домот е екстремно неефикасен. За таму месечно се одвојуваат 100.000 евра само за парно, а студентите се незатоплени бидејќи во времето на изградба не се водело сметка за енергетската ефикасност“, рече министерот.Во план е и изградба на три нови домови во Скопје во кампусот на „Св. Кирил и Методиј“ со 1.500 легла, во Штип и во Тетово.Тодоров за наредната недела најави и инспекција на домовите поради изнесените информации во јавноста дека во собите живеат полицајци и телохранители.„Во понеделник инспекцијата ќе направи надзор за сите кои се сместени во нив најверојатно ќе им требаат три до четири дена да ги утврдат сите списоци и потоа ќе излеземе со податоци“, додаде тој.За тепачката кој се случи пред два дена во која двајца ученици од средното училиште „Орце Николов“ беа прободени со нож, министерот рече дека треба да се преземат мерки за подобрување на воспитната компонента во образованието како дел од етиката и моралот, како и мерка за заштита на интегритетот на наставникот со предвидување на казни за родителите и учениците кои психички и физички ги малтретираат наставниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Калеска-Ванчева: Заедно со граѓаните ќе работиме да се спроведе пописот

Со усвојувањето на Законот за попис и потпишувањето на Указот од страна на Претседателот на државата, создадени се сите нормативни услови за спроведување на оваа важна статистичка операција за развој на земјата, изјави пратеничката и координаторката на Форум на жени на СДСМ, Снежана Калеска-Ванчева.
„Државниот завод за статистика, институциите, државата, имаат капацитет да спроведат попис според сите прописи на Евростат, по сите меѓународни стандарди. Кончено, по 19 години Северна Македонија ќе спроведе попис со кој ќе се соберат релевантни податоци важни за креирање идни политики и стратегии за развој на државата. Економски, образовни, здравствени, земјоделски, културни.
Жално е што во ВМРО-ДПМНЕ имаме неодговорни политичари, кои само од блокадите, саботажите и поделбите ја влечат идејата за своето постоење. Недозволиво е постојаното ставање сопки, кочење на процесите, подбуцнување на поделби, националистички конфликти, повици за бојкот и саботажи.
Еднаш засекогаш треба да сфатат во белиот дворец дека сите политички партии треба да се стремат кон подобар заеднички живот, а не да тонат со сеење раздор меѓу народот. Прашањето на пописот е премногу важно за развојот на државата и тој нема да отвора веќе затворени прашања, нема да одзема права.
Ние нема да отстапиме пред оние кои во неуспехот на државата, гледаат можност за себе. Заедно со граѓаните ќе работиме за тој да се реализара по меѓународните стандарди, а политиките на блокади, саботажи и сопки на Мицкоски повторно да бидат поразени. За СДСМ интересот на граѓаните и на државата е на прво место“, порача Калеска-Ванчева.
Македонија
Забрана за камиони на патот Тетово-П.Шапка

Од 12:00 часот поради интензивни врнежи од снег се воведува забрана за движење на тешки моторни возила на патниот правец Тетово – П.Шапка и се препорачува задолжителна употреба на зимска опрема за лесни моторни возила и автобуси на истиот патен правец.
Македонија
Заев се сретна со новиот грчки амбасадор Кундурос: Пријателството меѓу државите промовира стабилност во регионот

Претседателот на Владата, Зоран Заев, се сретна со Русос Кундурос, новиот амбасадор на Хеленската Република, во земјава.
На состанокот е пренесена порака од Атина за продолжување на пријателството помеѓу двете држави, преку унапредувањето на соработката во областите важни за граѓаните на двете држави, што се оценува дека е веќе во фаза на реализација.
Заеднички е констатирано дека Северна Македонија и Грција, преку пријателството, промовираат стабилност во целиот Западен Балкан. Изразена е поддршка од Грција на нашата држава за прогрес и во евроинтеграциите, по постигнатото членство во НАТО, како и за техничка помош во процесите важни за европските перспективи.
На средбата посебно е разговарано за интензивирање на економската соработка, каде, како и во енергетиката, се бележат видливи резултати.
„Низ економијата, граѓаните на двете држави почнуваат да чувствуваат директни бенефити од преспанскиот договор, како историски чекор и значајна определба на двете држави за градење добрососедски односи, инклузивна и конструктивна соработка“, рече премиерот Заев.
На средбата е посочена и важноста на соработката во областа на здравството, земјоделството, образованието, културата, социјалната заштита.
Премиерот Заев упати покана преку амбасадорот Кундурос, до грчкиот премиер Киријакос Мицотакис, за посета на Република Северна Македонија.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Црна хроника2 месеци
Млада девојка од Штип пронајдена мртва во нејзиниот дом
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија2 месеци
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија1 месец
Возачот на „бентлито“ што „влета“ на плоштад казнет со 45 евра, објавена фотографија од записникот