Македонија
Собранието одбележа 20 години од Првите парламентарни избори

Во Собранието денеска се одбележаа 20 години од Првите парламентарни повеќепартиски избори во Македонија.
Претседателот на Собранието Трајко Вељаноски на свеченоста по повод одбележувањето на парламентарната демократија рече дека првите избори заедно со референдумот се заокружување на вековната идеја и стремежот на македонскиот народ и сите граѓани на Македонија за самостојна и независна држава, која ќе се темели на принципи на парламентарната демократија и човековите права и слободи и владеењето на правото
„Во исто време првите парламентарни избори и првиот повеќепартиски Парламент фактички и уставно правно и секако државотворно започнува процесот на градење на самостојната држава, на имплементација на демократските принципи, а со тоа и остварување на стратешките определби, на создавање демократско општество во кое граѓаните ќе бидат носители на власта, вклучување на Македонија како препознатлив, но и одговорен субјект во меѓународните организации, а во тие рамки и нашата определба за евроатланските интеграции“, рече Вељановски.
Високиот одзив на граѓаните од над 84 проценти на парламентарните избори, како што рече тој, го покажува високото чувство и одговорност на граѓаните за самостојна држава.
Првиот претседател на Собранието, Стојан Андов рече дека показател за промените што настанале во општеството, е тоа што избраните пратеници во тогашниот парламентарен состав многу малку се познавале меѓу себе, но оти тоа не било пречка да соработуваат во интерес на државата.
„Најважно од се е што не дозволивме да се случат грешки кои ќе имаат катастрофални последици за државата“, посочи Андов.
Првите парламентарни избори од осамостојувањето на Македонија се одржаа на 11 ноември според мнозинскиот изборен систем. Територијата на Македонија беше поделена на 120 изборни единици. На првите избори учествуваа 18 политички партии и 43 независни кандидати. Првиот круг се одржа на 11 ноември 1990 година, а вториот на 25 ноември. Одзивот на гласачите во првиот круг беше 84,8 отсто, а во вториот 76,8 отсто.
Конститутивната седница на првиот плурален Парламент се одржа на 8 јануари 1991 година. За претседател на законодавниот дом беше избран Стојан Андов. Прв акт што го донесе Собранието на Република Македонија веќе на 25 јануари 1991 година беше Декларацијата за сувереност.
Првото македонско повеќепартиско Собрание ја постави правната основа на самостојна Македонија, го распиша референдумот за независност, го усвои Уставот, химната, знамето и ги избра првиот претседател на државата Киро Глигоров и првата Влада предводена од Никола Кљусев.
По првите повеќепартиски избори, во Република Македонија досега се спроведени уште пет парламентарни избори и последните во 2008-та предвремени избори. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЦУК: Пожарот во Самоков веднаш изгаснат, објектите на фабриката не беа во опасност

Пожарот во Самоков е локализиран и веднаш изгаснат. Во ниту еден момент немаше опасност од негово ширење кон објектите на фабриката Самоков, соопшти Центарот за управување со кризи.
Од РЦУК Македонски Брод претходно стигна информација дека е настанат пожар во населбата Самоков, во фабриката „Сувенир“, а опожарен е магацин со хемикалии. Во информацијата беше наведено дека електричната енергија во фабриката е исклучена.
Македонија
„Седи Боби, кец!“, му рече Арсовска на Стефковски за проблемот со водата, па доби одговор

Градоначалничката на Град Скопје, Данела Арсовска, преку објава на својот официјален профил на Фејсбук, му возврати на градоначалникот на општина Гази Баба, Бобан Стефковски, кој претходно ги прозва Градот и ЈП „Водовод и канализација“ – Скопје, за прекините во водоснабдувањето во неколку скопски населби. Тој побара итна интервенција од Градот, предупредувајќи на можни протести ако состојбата не се реши веднаш.
Арсовска му одговори на Стефковски дека и по три години на функција сè уште не прави разлика што е во надлежност на Градот, а што на Општина Гази Баба. Таа појасни дека жителите на Црешево и Смилковци не се корисници на ЈП „Водовод и канализација“, туку на ЈКП „Гази Баба“ – претпријатие под општинска надлежност.
„Ова по три години ќе го знаеше ако паузираше еден ден од сликање по фолклорни манифестации за да сработиш нешто“, напиша Арсовска, посочувајќи дека со средствата добиени од владите на Ковачевски и Мицкоски, Стефковски можел да изгради нова водоводна мрежа за тие населби.
Во продолжение, Арсовска рече дека Град Скопје во изминатите три години не добил ниту еден денар од централната власт, а дека Владата ѝ должи на ЈСП Скопје осум милиони евра.
Градоначалничката ја заврши објавата со саркастичен тон: „Седи Боби, кец!“
Ситуацијата дополнително ја заостри реториката меѓу градоначалниците на Скопје и Гази Баба, отворајќи нова рунда меѓусебни обвинувања. По објавата на Арсовска, повторно се огласи Стефковски кој и’ одговори дека надлежноста за Смилковци и Црешево ја знае многу добро, па ја повика да каже зошто жителите од Автокоманда, Железара, Триангла, Маџари и Ченто немаат вода? За крај по однос на делењето оценки, Стефковски на социјалните мрежи напиша дека граѓаните и’ дале оценка на парламентарните избори на Арсовска. Тогаш таа освои вкупно 3.438 гласови.
Македонија
Гори кај Прилеп, Македонски Брод, Чашка и Велес – пресек на состојбата со пожарите

На територијата на државата се евидентирани вкупно осум пожари на отворен простор, од кои активни се четири, соопшти Центарот за управување со кризи.
Во Општина Прилеп, гори кај селото Бешиште. Се работи за приземен пожар во квалитетна мешана шума. Активен е пожарот и кај Општина Македонски Брод, с. Црешнево, м.в. Церо Поле – пожар во деградирана дабова шума и грмушки. Во Општина Чашка беснее шумски пожар под Солунска Глава, помеѓу местата викани Изворите на Бабуна и Бабина Дупка (моментално нема активен пламен, само чад на карпест дел). Во Општина Велес пожарот избувна во ниска вегетација.
Изгаснати се 4 пожари: Општина Врапчиште, с. Врањовци – ниска вегетација, ѓубриште; Општина Липково, с. Лојане – ниска вегетација и стрниште; Општина Карбинци, с. Радање – блок (површина) посеана со жито и ниска вегетација и ОпштинаАрачиново, с. Орланци – ниска вегетација и отпаден материјал.