Лустрацијата треба и мора да биде исклучително институционален процес, рече Зоран Ставрески, член на извршниот комитет на ВМРО – ДПМНЕ, во врска со тоа што лустарцијата во Македонија се повеќе почна да наликува на улична.

„Сите оние кои што  имаат документи и податоци, тоа треба да го работат во рамките на институциите и преку тие институции да се решаваат согласно законот сите случаи каде што има евиденција за евентуално учество на одделни лица.Ние инсистираме и остануваме на тоа дека лустарцијата мора единствено да се спроведува во рамките на институциите“, изјави Ставрески.

На прашањето дали ВМРО-ДПМНЕ има разговарано со својот коалиционен партнер, ДУИ, во врска со досиејата кои излегоа за високите функционери на ДУИ, Ставрески уште еднаш повтори дека институциите треба да се ја спроведат постапката така како што треба за секој случај, за кој што постои евиденција.

„Ние се фокусираме тој процес да не излезе вон институционалните рамки. Тоа е нашата определба и тоа е она за што се залагаме“ додаде Ставрески.

И во однос на Законот за попис, кој што е предвидено да се спроведе во април, Ставрески вели дека и тој се разгледува како статистичка операција.

„Владата го организира процесот во рамките на заводот за статистика и секако сите други придружни институции кои што се надлежни за овој процес, преку обезбедување на доволно буџетски средства за ефикасна реализација на пописот. Како и лустрацијата и пописот мора да се разгледува како чиста статистичка операција, а не како политички проект“ рече Ставрески.

Тој им порача на политичките партии што се во Владата и во опозицијата да не  го користат пописот за политички поени. /крај/фф