Претседателот Иванов во Лисабон остварил повеќе средби, меѓу кои и со државната секретарка Хилари Клинтон и со првиот човек на ОН, Бан Ки-Мун кој му се извинил за неодамнешното бришење на македонскиот јазик од регистеротна Светската организација

Како што информираат од кабинетот на Претседателот на Република Македонија, на средбата на шефот на државата со генералниот секретар на Обединетите нации, Бан Ки-Мун лично му се извинил на Ѓорге Иванов за неодамнешното отстранувањето на македонскиот јазик во личната карта на Република Македонија во регистарот на Светската организација. Притоа Ки-Мун потенцирал дека Обедиентите нации имаат имаат целосна почит кон македонскиот јазик.  Претседателот на Република Македонија Ѓорге Иванов, заедно со министрите за надворешни работи и за одбрана Антонио Милошоски и Зоран Коњановски во саботата наутро пред почетокот на состанокот на шефовите на држави и влади на земјите-придонесувачи во мисијата ИСАФ во Авганистан кој се одржува во рамките на Самитот на НАТО, остварил средби и со американската државана секретарка Хилари Клинтон. Како што јавува известувачот на МИА, Клинтон на средбата со Иванов ја потврдила целосната подготвеност за натамошна тесна соработка со Македонија, изразувајќи надеж дека со заеднички напори Македонија колку е можно поскоро ќе го заземе заслуженото место во Алијансата. Клинтон искажала благодарност за лидерстовото на Иванов и огромната поддршка во глобалната цел преку ангажманот на Македонија во мисијата ИСАФ.Покрај овие две средби, претседателот Иванов во Лисабон имал и неформални средби со првиот човек на Европската Унија, Херман Ван Ромпуј и на Европската комисија Жозе Мануел Баросо, турскиот претседател Абдула Ѓул, како и со авганистанскиот претседател Хамид Карзаи. На средбите на претседателот Иванов со Ромпуј и со Баросо била нагласена подготвеноста за натамошна тесна соработка со интегративниот ЕУ процес на Република Македонија.Турскиот претседател Ѓул потенцирал дека Македонија може да смета на целосна поддршка од Турција. Авганситанскиот претседател Хамид Карзаи за абалагодарил за ангажманот на македонските мировници и за нивната посветеност во напорите за изградба на проспертетен Авганистан. На средбата со Карзаи, македонскиот претседател Иванов посочил дека со заеднички напори ќе се постигне крајната цел – демократско општество засновано на владеење на правото и почитување на човековите права.