Потпретседателот на Владата и висок функционер на ДУИ, Абдулаќим Адеми, негира поврзаност на неговата партија со апсењето на поранешниот функционер на службата за државна безбедност, Хисен Муслиу.Апсењето на Муслиу следува по излегувањето во јавност на неколку досиеја, кои наводно се однесуваат на поврзаност на висок функционер на ДУИ со српските тајни служби, но и по обвинувањата на пратеникот Талат Џафери дека Муслиу учествувал во фалсификувањето на овие досиеја. Адеми повика државните институции до крај да расчистат со овој случај.„За ова прашање вие треба да се обратите до нашите институции. Нашиот став од почеток беше дека оваа афера државните институции треба да ја расчистат до крај и затоа би ве упатил прашањата да ги упатите до Министерството за внатрешни работи и судството“, рече Адеми.Коментирајќи го  процесот на лустрација во Македонија, евроамбасадорот Ерван Фуере со став – овој процес не треба да се меша со политиката.„Во сите земји, не само во Македонија, ова е екстремно чувствително прашање кое не треба да се третира на екстремно чувствителен начин и треба да биде процес каде политичките агенди доминираат над прашањето на правда. Очигледно е дека е важно да се примени поголема чувствителност во однос на овој процес на лустрација“, изјави Фуере.Евроамбасадорот Фуере денеска на вицепремиерот Адеми му го претстави годишниот извештај на Европската Комисија за напредокот на Македонија, во рамки на воспоставената пракса за негово претставување во сите важни институции во земјава. /крај/ач