Во организација на Академијата за обука на судии и обвинители на дводневна работилница хрватскиот обвинител Драган Новосел на  македонски судии и обвинители  ќе им ги пренесе искуствата во врска со кривичните дела од областа на организираниот криминал и корупција.„Кога е во прашење организираниот криминал во Хрватска имаме доста добри резултати и тоа поради исклучително добрата соработка меѓу државното обвинителство и полицијата во прибирањето на докази. Што се однесува до сузбивање на корупцијата голем успех имаме по донесувањето на новиот кривичен законик со кој обвинителството ја координира работата на полицијата и другите и така станавме по успешни. Токму искуствата со примената на новиот закон кој е во постапка и во Македонија можеме да ги пренесеме и да помогнеме за добра примена на законот. Ова е исклучително сложен и тежок процес. Новиот закон бара нов начин на размислување на работење што е многу тешко да се постигне”, вели обвинителот Новосел.Тој додава дека само со агресивна борба и работа може да се постигнат добри резултати. Македонскиот обвинител за организиран криминал Јован Илиевски изјави дека обвинителството е подготвено со предизвикот да ја преземе истрага како што е предвидено во новиот закон за кривична постапка.„Ние го имаме како модел хрватскиот закон за кривична постапка начинот на кој тие ги спроведуваат одлуките. Се надеваме дека делумно ќе го искористиме.Јавното обвинителство има капацитет да постапува агресивно за делата од организиран криминал но има и некои други услови кои треба да се исполнат”, изјави Илиевски./крај/км