Грција треба да има доволна мотивација за да направи прилагодување во спорот со името со Македонија, смета професор Роберт Озборн од универзитетот Темпл во Филаделфија.Според него, прифаќањето на отстапки од грчка страна во спорот би можело да биде дел од договор за надминување на финансиската криза, сценарио за кое и самиот смета дека нема волја ниту кај грчките власти, ниту кај грчката јавност.„Го ценам фактот дека е емоционално прашање, но ако има доволен мотивација, би можел да замислам сценарио во кое финансиското спасување на Грција, тоа е проблем што многу добро го знаете, дека дел од договорот би можел да биде грчко прилагодување во замена за финансиска помош. Дали Грција би се согласила за тоа, не знам, бидејќи не ја знам одблиску ситуацијата“, вели професорот Озборн, кој денеска одржа предавање на универзитетот „Американ Колеџ“ на тема „Новите трендови во надворешната политика на САД“.Коментирајќи ги последните случувања со објавувањето на доверливи документи од страна на Викиликс и последиците за американската надворешна политика, Озборн со став – ваквите појави не треба да претставуваат изненадување за јавноста.„Не ги знам деталите што беше објавено. Многу е тешко да се следи ова. Но, се што можам да речам е дека и понатаму ќе имаме вакви работи, поради природата на комуникациите денес. Пред неколку децении, пред 30, 40 или 50 години ваков развој на настаните би бил невозможен. Денес зависиме се повеќе и повеќе од комуникациите и пробивањето на владините зачувани информации стана исто така пософистицирано. Има и повеќе криминал итн. Ова што го гледаме со Викиликс е нешто за што треба да бидеме подготвени. Мое предвидување е дека ќе го видиме ова повторно во различен контекст“, вели Озборн.Професорот Озборн во текот на својата кариера има објавено повеќе трудови поврзани со политичките процеси во источна Европа и поранешниот Советски Сојуз. /крај/ач