Училиштата, јавните претпријатија и културните институции, останаа без управни и надзорни одбори по одлуката да се повлече оваа точка од дневен ред. Софија Куновска, координаторката на советничката група на СДСМ, рече дека новите членови кои треба да ги заменат старите со цел да се запознаат членовите на градскиот совет со нивното образование и компетентност се предложени без биографии.„Биографии имаме од неколку членови, но за жал на овие личности по се изгледа никој не им кажал дека училиштата во Скопје, Универзалната сала, Музејот на Скопје не се партиски штаб на ДПМНЕ.“, рече Куновска.Во својата реакција, Сашо Стефановски, координаторот на ВМРО ДПМНЕ, рече дека за избор на член на советот потребно е да се земат во предвид неговите квалификации, а не неговата партиска книшка.„Точките за избор на членови на Управните и Надзорните одбори на училиштата, институциите и јавните претпријатија се повлечени бидејќи немаме комплетни биографии“, рече Стефановски.Како и на секоја седница на Градскиот совет, не изостанаа препукувањата помеѓу советниците од различните партии за кратенките на имињата на политичките партии. Веќе неколку седници по ред се води битката за тоа дали за политичката партија ВМРО ДМПНЕ, треба советниците на СДСМ треба да им се обраќаат како советници на ДПМНЕ. Забелешка за „ословувањето“ само како ДПМНЕ од советниците Софија Куновска и Александар Наумовски имаше советникот Александар Бичиклиски, како и Зоран Шапуриќ чија Либерално Демократска партија цело време беше нарекувана како Либерална Партија. Претседателката на Советот, Ирена Мишева, побара од советниците на СДСМ кога ќе им се обраќаат на своите колеги да го користат целосното име на партијата./крај/бс