Оваа историска неправда нема да биде вечна, важно е неуморно да го продолжиме патот кон напредокот“, рече премиерот Никола Груевски нагласувајќи дека членството во ЕУ и НАТО ќе дојдат сами посебе ако земјата се модернизира, реформира, а животот стане поквалитетен  за сите граѓани.„Македонија денес е завртена кон својата иднина. Газиме по трновит но по вистински пат. Работиме да направиме што повеќе за нашите граѓани да живеат онака како што живеат граѓаните на повеќе развиени европски држави. Работиме со силна динамика, пред се за нас самите, за Македонија, а натаму и да ја одведеме државата онаму каде што и е местото во Европската унија и во НАТО“, рече премиерот Никола Груевски. Тој вечерва како претседател на владејачката партија ВМРО-ДПМНЕ се обрати пред присутните на конференцијата по Унијата на жените на ВМРО-ДПМНЕ.Груевски во своето обраќање натаму изрази жалење што и покрај напорната работа на владата, која што се гледа низ модернизацијата, реформите и напредокот, како што рече, не и’ се овозможува она што реално го заслужила со постигнатото. „Ни се поставува пречка која реално се има испружено пред Македонија која не става на испит и исклучително некоректно задира онаму каде што не смее да се задира. Ние сме посветени на надминување на таа пречка, но при надминувањето на тој предизвик, ние не смееме, не можеме и не сакаме да му наштетиме на нашиот национален и на нашиот државен интерес. Ако со решавањето на еден проблем си создал нов тогаш ништо не си направил, ако со надминувањето на еден предизвик си решил проблем, тогаш си ја постигнал целта. Тоа е нашата цел“, нагласи Груевски.Тој посочи дека од македонската страна може да се очекува само позитивен пристап и огромни напори за решавање и надминување на сегашната состојба, која што, како што рече ја наметнува јужниот сосед. Груевски меѓу другото зборуваше и за тоа дека сегашните критичари за ова прашање немаат морално право за тоа, бидејќи биле самите во позиција да одлучуваат и да го решат спорот со името со Грција.„Тој кој имал шанса да го реши спорот и не го решил, денес нема морално право да го критикува оној кој вложува огромни напори да го направи тоа, особено не кога и не кажува како тој би го решил. Додека таа борба трае ние Македонците сме тука да предочиме дека Македонија постои, дека македонскиот јазик се говори, дека македонската култура се живее, дека македонскиот идентитет не е ничија закана туку богатство на овој балкански полуостров, исто како што е богатство и грчкиот, албанскиот, српскиот, бошњачкиот, црногорскиот, бугарскиот, хрватскиот и сите други идентитети“, рече премиерот Груевски.Обраќајќи се пред претставничките на Унијата на жени на ВМРО-ДПМНЕ, Груевски  потсети дека партијата и нејзините претставници во власта вложиле огромна енергија, и труд за, како што рече, да биде извлечена од дното во кое беше фрлена. крај/с.н