Македонија
Митриновски дал оставка поради здравствени причини?
Претседателот на Апелацискиот суд, Јордан Митриновски поднел оставка поради здравствени причини
. Претседателот на Републичкиот судски совет, Васил Грчев денеска официјално потврди дека до судскиот совет имало поднесено барања за оставка од функцијата судија и од функцијата претседател, не споменувајќи за кои судии се работи. Во оставката судијата кој поднел оставка од претседателската функција било наведено дека ја поднесува поради здравствени причини. „Во оставките не е наведено, само во едната оставка стои дека е од здравствени причини“ рече Грчев и дополни дека тоа било наведено во оставката на судијата кој се откажува од претседателската функција. Митриновски кој уште во петокот поднел оставка денеска не одговара на повиците на новинарите за да објасни зошто се решил на ваков чекор и дали врз него бил вршен некаков притисок. Грчев вели дека од страна на Судскиот совет не бил вршен никаков притисок врз Митриновски. „Од моја страна не е вршен никаков притисок, а се сомневам дека и од некој член на судскиот совет“ рече Грчев. Сепак во четврток во 10 часот на седница Судскиот совет, ќе расправа за барањето кое што е поднесено за утврдување на одговорноста на Митриновски, за случајот со Бајруш Сејдиу. Седницата ќе биде затворена за јавност, освен во случај ако самите судии не сакаат да биде јавна. „Беспредметно ќе биде барањето само за судијата кој побарал да биде разрешен од функцијата судија, а за претседателот со оглед на тоа што има поднесено барање за утврдување на одговорност за вршење на судска функција останува и за тоа судскиот совет да расправа на седницата која е закажана за в четврток“ вели Грчев. На прашањето до кога судскиот совет ќе ја толерира практиката на среде почната постапка за утврдување на одговорност, да ја прекинат постапката бидејќи судиите поднесуваат оставка, Грчев вели дека во одлуката за прифаќање на оставката ќе биде наведено дека против тој судија веќе претходно е поведена постапка. „Согласно стариот закон, пред да се измени законот, немаше одредба која укажуваше на тоа до која фаза може судија да си поднесе оставка по сопствено барање, имајќи во предвид дека веќе претходно е покрената постапка. Сега со измените на законот за судски совет предвидено е дека судскиот совет ќе расправа по поднесената оставка, со тоа што ќе ја прифати оставката меѓутоа во одлуката со која констатира престанок на вршење на функцијата ќе констатира и дека била претходно веќе поведена постапка. Значи ќе стои укажување во самата одлука дека е поведена постапка против одреден судија за утврдување на негова одговорност“ објаснува Грчев.Во четврток судскиот совет треба да постави и нов претседател на Апелацискиот суд, кој ќе биде вршител на должност. Вршителот на должност се поставува од судиите кои што работат во судот. Кандидатите се бираат од судиите во судот кои што добиле највисока оценка со оценувањето направено во 2008 година.И покрај турбуленциите што се случија во Апелација, двајца судии беа разрешени, а други двајца си дадоа оставка, Грчев, Апелација ја смета за добар суд и цели дека повеќето од судиите имаат добри оценки.„Судскиот совет не е место за компромиси, не е место за договори, судскиот совет ќе постапува согласно законот, односно во конкретниот случај барањето кое е поднесено до овластен подносител за утврдување на одговорност на судија“ вели Грчев.Претседателот на Апелацискиот суд, Јордан Митриновски и судијата Исмаил Лимани во петокот си поднеле оставка, Митриновски од функцијата претседател, а Лимани од функцијата судија.Двајцата му го заменија притворот на Бајруш Сејдиу со куќен притвор кој кумановскиот бос го гарантираше со 1,4 милиони евра.По одлуката на Апелација за замена на притворот на Бајруш, Врховен ја преиначи оваа одлука и не му дозволи на Бајруш да оди во куќен притвор, а поведе и постапка за нестручно и несовесно работење за Митриновски и Лимани.По неколкудневните обвинувања на Митриновски дека одлуката на Врховен е незаконска, тој се премисли и рече дека Апелација ќе ја почитува одлуката на Врховен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кирков: ЈСП е пример за тоа како е да се работи недомаќински
На денешната седница на Советот на Град Скопје, се обрати советникот од редовите на ВМРО-ДПМНЕ, Стефан Кирков.
Кирков истакна дека по посета на Јавното сообраќајно претпријатие, сликата била застрашувачка со што повеќе од 200 автобуси стојат нефункционални и неупотребливи без притоа истите да се поправат.
„Заедно со колегата Тони Бојковски од Советот на Град Скопје направивме посета во ова јавно претпријатие, и она што го видовме навистина не запрепасти. Повеќе од 200 расипани автобуси стојат подолго време на паркинзите на ова јавно претпријатие и покрај тоа што во ова јавно претпријатие се случува тотален хаос“, рече Кирков.
Кирков додава дека ова јавно претпријатие работи недомаќински и ги повика институциите да направат целосна ревизија со цел да се утврди кој е причинител за ваквата катастрофална ситуација на ова ЈСП.
„Оттука се прашувам иако се е изгласано од страна на советниците, ова јавно претпријатие апсолутно во последниве три и пол години работи недомаќински, и јас алармирам од оваа позиција овдека ги повикувам сите јавни и државни институции да направат целосно ревизија и да се утврди одговорноста кој допринесе ова јавно претпријатие да се наоѓа во ваква ситуација. Скопјани треба да бидат мирни, јавниот превоз и целиот град Скопје ќе доживее една поубава слика“.
Македонија
Филипче од лежалка меѓу две јахти пишува статуси за економијата или телефонот му е кај Фрчкоски, велат од ВМРО-ДПМНЕ
Класична СДС матрица на лаги и дефокус. Последниот човек кој може да зборува за економија е Венко Филипче. Под него, Заев, Артан, Бујар и Али, Македонија ја виде најголемата сиромаштија најскапата струја, најскапото гориво и најголемите корупциски афери, велат од ВМРО-ДПМНЕ откако на социјалните мрежи се огласи лидерот на СДСМ Венко Филипче.
Народот, додаваат од партијата на власт, плаќаше со живот и празни џебови, а тие си полнеа сметки и договараа политики на јахти.
Според ВМРО-ДПМНЕ, денес Филипче зборува за „достоинство“, а токму тој и неговиот ментор, како што велат, ја понижија државата и ја симнаа СДС од втора на четврта партија.
Го прашуваат Филипче: „кога толку глуми загриженост за државата, зошто не им каже на своите 6% поддржувачи колку чини еден ден возење на јахтата? Тука зборуваме за материјалната цена во евра, не за фактот кој одамна е познат, дека тоа возење е само симбол на неговата заложеност кон менторот и сопственикот на јахтата.
За да му ги скратиме маките, еве ја сметката: Гориво: 1800 €; Екипаж: 500 €; Одржување: 250 €;
Марина / сидрење: 200 €; Вкупно: околу 2750 € на ден.
Без да ги пресметаме и скапите ручеци и „ужинки“, какви што има дводецот што го води СДС. Со храна и пијалоци, сумата оди и до 6–7000 € дневно.
За десетина дена тоа преку 70000 евра луксуз.
А за 30 дена, колку што летово поминуваат на јахтата и по грчките плажи и острови, а и по други земји, нека пресмета кој сака сам, колку чини сето тоа“.
Затоа, додаваат од партијата на Мицкоски, пред да глуми дека се грижи за народот, Филипче нека објасни како е можно да се трошат толку пари на јахти и дали мирно спие кога сите во државата знаат дека токму тој хедонистички двоец е одговорен за сиромаштијата, галопирачката инфлација и разурнатата економија.
„Додека народот преживуваше, тие купуваа јахти и си планираа луксузен живот со украденото од народот богатство.
Затоа, Филипче прекини!
Засрами се! Ако воопшто знаеш што е срам“.
Македонија
Шукова: ВМРО-ДПМНЕ брутално ги осквернави идентитетот и архитектурата на Скопје, време е да му го вратиме ликот на вистинска метропола
„Време е на Скопје да му го вратиме ликот на вистинска метропола, град кој ќе биде пристапен и функционален“, порача денеска кандидатката за градоначалник на Град Скопје од СДСМ Каја Шукова. Според нејзината визија за центарот на градот, се предвидува затворање на сообраќајот и ставање на јавниот простор во функција на пешаците, туристите, велосипедистите, не на автомобилите.
„Време е на Скопје да му го вратиме ликот на вистинска метропола – град кој ќе биде пристапен и функционален. Мојата визија за „Мал ринг“ е суштинска промена на центарот на градот. Проект кој подразбира затворање на мал ринг за сообраќај, адаптиран за пешаците и велосипедистите. На Рекорд ќе има дозвола за превоз само за ЈСП и специјални возила. Ќе го заживееме јавниот простор со урбана опрема и ќе воведеме посебни содржини. Центарот многу брзо ќе го добие ликот како што заслужува нашето Скопје и ќе го врати сјајот на метропола“, рече Шукова.
Порача дека Скопје сега е задушен град поради неуспешните импровизации на ВМРО-ДПМНЕ и нивната градоначалничка Данела Арсовска.
„Централното градско подрачје, познатиот „Мал ринг“ кој е срцето на Скопје, сега е задушен, поради деструктивните импровизации на ВМРО ДПМНЕ и незаинтересираноста на нивната менаџерка Данела Арсовска. ВМРО ДПМНЕ брутално го осквернави идентитетот и архитектурата на Скопје – скапо платен со народни пари, а со трајни последици по јавниот простор. Денес, строгиот центар на Градот е задушен од објекти, прекумерен сообраќај и без соодветна инфраструктура за пешаците и велосипедистите. Тоа време мора да остане зад нас! “, изјави Шукова.
Кривична пријава за градоначалникот на Делчево: вработил лице што исполнувало услови за пензија
Надворешната канцеларија за криминалистички работи Делчево на 25.08.2025 до ОЈО Делчево поднесе кривична пријава против Г.Т. (54) од Делчево поради...
Алиу: Очекувам објективни резултати од анализата на кардиолошките и на кардиоваскуларните интервенции
Министерот за здравство Азир Алиу утрово одржа состанок со интерната комисија задолжена за изготвување прелиминарна анализа на кардиолошките и на...
Славевски најави мерки за поттикнување поповолно кредитирање за купување станови
Директорот на Агенцијата за катастар на недвижностите, Иван Живковски, денеска оствари работна средба со гувернерот на Народната банка, Трајко Славевски....
Во текот на изминатото деноноќие изгаснати 20 пожари во Македонија
Во текот на изминатото деноноќие, на ден 25/26.08.2025 година, на територијата на Македонија имаше вкупно 23 пожари на отворен простор,...
Уапсен возач во Кичево – усмртил пешак на пешачки премин и избегал од местото на несреќата
Полицијата уапси возач во Кичево кој со возило удрил во пешак и избегал, а пешакот подоцна починал во болница во...
Денеска се одбележуваат 115 години од раѓањето на Мајка Тереза
Денеска се одбележуваат 115 години од раѓањето на Мајка Тереза (вистинското име и е Агнеса Гонџа Бојаџиу). Таа е родена...
„Влен“: Обвинителството да постапи по извештајот од ревизијата за Бујар Османи
Еден месец помина од јавно објавениот негативен извештај на Државниот завод за ревизија за трошењата во Министерството за надворешни работи...
Австралија: Иран нарача најмалку два антисемитски напада во нашата земја
Австралија денес објави дека ќе го протера амбасадорот на Иран во Канбера, а премиерот Ентони Албанезе го обвини Техеран за...
Борче Стамов и д-р Ирфан Ахмети ќе ја примат државната награда „Мајка Тереза“
Борче Стамов од „Донирај компјутери“ и доц. д-р Ирфан Ахмети од Универзитетската клиника за ендокринологија, денеска, во Собранието, ќе ја...
(Видео) Во потрага по храна, мечка се качи на тераса од семејна куќа во Тетовско
Мечка се качила на тераса од семејна куќа во тетовското село Отуње. Членовите на семејството биле во внатрешноста на куќата,...
Голема акција на Финансиската полиција: уапсени седум лица за даночни измами и перење пари, го оштетиле буџетот за 430 милиони денари
По двегодишна опсежна предистражна постапка, во текот на денешниот ден Управата за финансиска полиција спроведе акција во која беа извршени...
Предложен притвор за таткото што тепаше играчи на фудбалскиот натпревар во Штип
Основното јавно обвинителство Штип денеска поведе итна постапка против едно лице за кривично дело – Насилство. Осомничениот извршил грубо насилство...
Застрашувачки снимки од напад врз болница во Газа, меѓу загинатите има и новинари
Најмалку 15 лица, вклучувајќи четворица новинари, беа убиени денес во израелските напади врз болницата „Насер“ во градот Кан Јунис во...
Поскапуваат бензините и дизелот
Бензините и дизелот од ноќеска на полноќ ќе поскапат за половина и за еден денар, соопшти Регулаторната комисија за енергетика,...
Алиу на средба со д-р Кедев: Сите што имаат информација за евентуални неправилности да се обратат до Министерството
Министерот за здравство Азир Алиу денеска оствари средба со д-р Сашко Кедев, на која беа разменети информации во врска со...
Зеленски: Украина високо ја цени непоколебливата солидарност на Северна Македонија во поддршка на нашата слобода
Украина високо ги цени непоколебливата солидарност и силниот глас на Северна Македонија во поддршка на нашата слобода, достоинството и правото...
Тешко повредена жена во Автокоманда, маж ја удрил во главата со гајба полна со стаклени шишиња
Основното јавно обвинителство Скопје поведе постапка против едно лице за кого постои основано сомнение дека сторил кривично дело – Тешка...
Русија уништи 21 украински дрон во текот на ноќта, два летаа кон Москва
Руските одбранбени единици уништија 21 украински дрон во текот на ноќта, објави руската државна новинска агенција, повикувајќи се на податоци...
Канада отворена за испраќање мировни сили во Украина
Канадскиот премиер Марк Карни му рече вчера на украинскиот претседател Володимир Зеленски дека ги поддржува барањата на Украина за силни...
Мерц: Никој повеќе не треба да има илузии, Германија е во структурна криза
Германскиот канцелар Фридрих Мерц призна дека справувањето со економските предизвици се покажува како многу поголем предизвик отколку што првично очекувал....
