Поранешниот директор на Фондот за здравствено осигурување, Ѓорѓи Тренковски три часа пред судскиот совет тврдеше дека законски работел и никогаш не направил двојно плаќање на исти лекови кон Градски аптеки, како што е наведено во обвинението

Ѓорѓи Тренкоски е обвинет за несовесно работење. Во истиот предмет второ обвинета е директорката на аптеките Весна Огненовска.„Фактура со очи не сум видел. Немам никаква одговорност ниту пак сум можел да вршам исплаќања. Тоа е работа на подрачната единица на фондот и одговорност на тогашниот директор “, тврди Тренковски.Пред судот се пожали дека долго време не можел да ги види доказите на  обвинителството против него , но кога направил увид во предметот видел докази кои не се однесуваат на неговата работа. Според него целата забуна настанала поради лошото толкување на начинот на работата на Фондот, каде терминот фондовски лекови се користи како жаргон, а всушност се работи за лекови кои за кои надлежен за плаќање е фондот.Појасни дека на лековите од приватизираната Градска аптека биле лепени нови бандероли поради промената на маржата за лековите, што се поклопило со приватизирањето на аптеката од јавна во приватна установа. Неколку пати повтори дека целосното материјално финансиско работење било одговорност на подрачната единица Скопје , за сите договори со приватните здравствени установи биле одговорни службите на Фондот.Кажа дека пред да дојде за директор секоја подрачна единица имала своја сметка во банка , што потоа се сменило и сите сметки биле префрлени во Народна банка. Тој тврди дека никогаш од подрачната единица не било побарано одобрение за исплата од Фондот.Средствата што биле префрлени од Фондот на подрачната единица биле за исплати кон матични лекари , аптеки, стоматолози, но Фондот не знаел за кој и колку. Тренковски тврди дека лековите во вредност од 27 милиони денари од градски аптеки влегле во проценката на аптеките кога биле приватизирани до последно кутивче.Со приватизацијата сите лекови биле купени од новите газди. Потоа изборот на најповолен понудувач за лекови го вршел Фондот , а одбраната фирма склучувала договор со аптеките.Поради замор на судијата и странките судењето беше прекинато, а ќе продолжи во февруари со сослушување на второобвинетата Весна Огненовска.Според обвинението Тренковски дозволил Фондот два пати да плати исти лекови еднаш на добавувачите еднаш на градски аптеки, а Огњановска иако знаела дека лековите еднаш се платени повторно ги фактурирала.