Македонија
Осман Кадриу – нов в.д. претседател на Хелсиншки комитет
Професорот – доктор по правни науки, Осман Кадриу е избран за нов в. д. претседател на Хелсиншкиот комитет, соопштија денеска од оваа организација. Новиот в.д. претседател, на денешната прес конференција рече дека во последно време особено се забележливи сериозни повреди на човековите права во судските постапки, кои се манифестираат преку спектакуларни апсења и приведувања без потреба.„Во законот е наведено кога може едно физичко лице да биде притворено и на кој начин и во каква постапка. Потоа имаме и повреди на едно важно уставно начело, а тоа е начелото на презумција на невиност. Ниту едно лице надвор од судот, не може да дава квалификација за конкретни кривични дела за кои се сомнева дека одредено лице е сторител на тие дела“, рече Кадриу.Toj порача дека сè до моментот кога ќе има правосилна судска одлука, секој човек е невин и не може да се смета за криминалец, односно за него не може да се даваат никакви квалификации за сторени кривични дела. Кадриу, кој говореше за други кршења на човековите права, како и за контроверзниот закон за анти дискриминација, рече дека ако треба да даде оцена за состојбата со човековите права во Македонија од 1 до 5, тогаш таа оцена би била двојка. Хелсиншкиот комитет е формиран 1994 година, а од тогаш досега ова е четврт претседател на Комитетот. Првиот претседател Мето Јовановски беше два мандати на чело на оваа организација, потоа Мирјана Најчевска имаше исто така два мандати и Исо Руси кој го води Хелсиншки еден мандат./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Муцунски ќе учествува на состанокот на министрите за надворешни работи на земјите членки на НАТО во Брисел
На покана на Генералниот секретар на НАТО, Марк Руте, министерот за надворешни работи и надворешна трговија, Тимчо Муцунски, денеска ќе учествува на состанокот на министрите за надворешни работи на земјите членки на НАТО.
Министерскиот состанок претставува уште една можност министрите да разменат ставови во однос на донесените одлуки од Самитот на НАТО во Хаг, кои се важни за иднината на Алијансата, како и да разменат мислења за напредокот во зајакнувањето на индивидуалните способности и капацитети за овозможување ефективна колективна одбрана и безбедност.
Во фокусот на дискусиите се очекува да бидат разменети информации за заедничките напори за продолжување на континуираната поддршка за Украина, како и размена на ставови за одговор на актуелните безбедносни предизвици и закани, вклучително и дестабилизирачките активности на малигните актери и стратешките конкуренти, кои имаат за цел да ја нарушат воспоставената безбедносна архитектура и меѓународниот правен поредок, извести Министерството за надворешни работи и надворешна трговија.
На маргините на министерскиот состанок, предвидено е министерот Муцунски да оствари и повеќе билатерални средби, меѓу кои и со шефот на американската делегација, заменик-државниот секретар на САД, Кристофер Ландау, како и да учествува на тематски состанок посветен на Коридорот 8.
Македонија
Делови од Гази Баба и Карпош денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 08.30 до 11.30 часот, дел од улица Коце Металец и Филип Филиповиќ (од улица Рударска до Трафиките за храна пред паркингот), без струја ќе останат и зградите на два Баќа градители и зградата на Ул.Коце Металец Бр2 (општина Гази Баба)
– во период од 09.00 до 15.00 часот, дел од корисниците на ул.Струшка (општина Карпош).
Македонија
Претежно облачно со повремени локални врнежи од дожд
Времето денеска ќе биде претежно облачно со повремени локални врнежи од дожд. Пообилни врнежи ќе има во западните и јужните делови. На повисоките планини врнежите ќе преминуваат во снег. Ќе дува слаб до умерен ветер од југоисточен правец. Минималната температура ќе биде во интервал од 2 до 6, а максималната ќе достигне од 8 до 12 степени.
Во Скопје, претежно облачно со повремени локални врнежи од дожд и слаб јужен ветер. Минималната температура ќе се спушти до 3, а максималната ќе достигне до 11 степени.
Времето во наредните денови
Под влијание на циклонска активност до крајот на неделата, следува период на претежно облачно време со повремени локални врнежи од дожд, кои ќе бидат пообилни во западните и јужните делови. На некои од повисоките планини врнежите од дожд ќе преминуваат во врнежи од снег. Минималните температури ќе бидат насекаде позитивни.

