Државната изборна комисија за спречување на корупција покрена иницијативи за кривично гонење на четворица функционери поради злоупотреба на службената положба, соопшти претседателот на ДКСК, Илми Селами

Се работи за деканката на техничкиот факултет во Битола, Весна Микаровска за којашто е поведена и иницијатива за разрешување, за поранешниот директор на Националната агенција за европски образовни програми и мобилност, Бошко Нелкоски, за тројца поранешни директори на јавното претпријатие за одржување и заштита на регионалните патишта на Македонија пат и за поранешниот директор на јавното претпријатие за комунални дејности, Хасип Јусуфи.Во случајот со Микаровска, Комисијата констатирала дека деканката овозможила приходите од давање под закуп на објекти, што се во државна сопственост да не се уплаќаат во државниот буџет, овозможила наплата на надоместоци за образовни и административно услуги спротивно на усогласениот ценовник донесен од страна на советот за развој и финансирање на високото образование.Со тоа, незаконски и ненаменски ги користела средствата во финансиските трансакции кои претставуваат државни расходи за 2007 година, нанесувајќи штета на јавните средства и прибавувајќи противправна имотна корист“ вели Селами.Нелоски во текот на 2008 и 2009 година, ја злоупотребил службената положба при раководењето со Националната агенција, при располагањето со средствата од агенцијата, при спроведувањето на постапките за јавни набавки и при изборот на крајни корисници на програмите кои ги остварува националната агенција. КСК констатирала злоупотреба на службената положба и кај тројцата поранешни директори на јавното претпријатие за одржување и заштита на регионалните патишта на Македонија пат,  Братислав Никиќ, Марјан Крстевски и Идриз Сека во периодот од 2002 до 2009 г.Поранешниот директор на јавното претпријатие за комунални дејности, Хасип Јусуфи пак, без спроведување на постапка за јавна набавка, извршил набавка на стоки и услуги во вредност од 14.486.000 денари и противправно прибавил околу 250.000 денари.Освен иницијативите, ДКСК јавно опомена тројца функционери кои истовремено извршуваат две државни функции. Од судирот на интереси сè уште не се откажал Горан Стојковиќ, кој е директор на јавното претпријатие „Македонија пат“ и член на Советот на општина Куманово, Жаклина Маџоска е член Советот на општина Крива Паланка и директор на градинка во Крива Паланка и директорот на албанскиот театар во Скопје и член на Советот на општина Кичево, Адем Карага.Доколку овие функционери не се откажат од една од функциите во рок од 15 дена, ДКСК ќе побара нивно разрешување од страна на органите од кои се поставени.