Започнувањето со работата на втората фаза од едношалтерскиот систем во Централниот регистар (ЦР) ќе овозможи подобрување на деловна клима, зголемување на привлечноста на пазарот за странски инвеститори, поефикасни административни процедури, како и побезбедни електронски услуги

Втората фаза опфаќа три компоненти: е-регистрација на фирми, е-стечај и дисквалификувани субјекти и е-регистрација на залог и лизинг.„Очекуваме да се зголеми ефикасноста на стечајните процедури и зголемување на транспарентноста на целата постапка. Целта е да се намали можноста за шпекулации на пазарот, односно оние лица кои имаат отворени постапки како стечај и блокирани сметки, да се контролираат и да се штитат тие што се чесни учесници на пазарот“, изјави Фатмир Бесими, министер за економија.Компонентата е-стечај и дисквалификувани субјекти ќе доведе до намалување на времетраењето на долготрајните стечајни постапки, односно затворањето на компаниите.„Цената на овие услуги нема да биде скапа, ние по препорака на Владата ги намалувавме тарифите на корисниците на релевантни информации. Нормално е дека ќе мора да се плаќаа одреден надомест до ниво кое што ќе може регистарот и понатаму да овозможува развој на нови регистри и решенија“, рече Ванчо Костадиновски, директор на ЦР.Проектот е во соработка со Светска Банка, а изведуван од ЕРЦ од Ирска, ИРИС од Индија и меѓународниот конзорциум Реактив од Македонија.