Денес во Судскиот совет на Република Македонија судијата Александра Зафировска беше избрана за нов претседател на Судскиот совет, а судиите кои беа избрани завчера положија заклетва

Новата претседателката Александра Зафировска во својата прва изјава за медиумите кажа дека притисоци на Судскиот совет имало и ќе има, но тоа неа не ја загрижува. Таа се надева дека судиите кои потклекнуваат на вакви притисоци во судството ќе ги има се помалку. „Колку и да трпиме притисоци, треба да се каже дека судството е една од трите власти во државата и судиите треба да се чувствуваат како власт, но и да се однесуваат на тој начин што ќе работат според закон”, вели Зафировска. Таа потврдува дека има влијанија од политиката во судството и во медиумите, а за функцијата на министерот за правда и дали има влијание вели дека “„инистерот има само еден глас и не може да влијае на ставот на останатите членови” и додаде дека лично го застапува ставот на судската фела дека министерот не треба да учествува во работата на Советот. Денес заклетва даде и новата претседателка на Апелациониот суд во Скопје Љупка Арсениевска. Таа вели дека долго е во судството цели 36 години и никогаш немала ниту ќе дозволи притисок од било кого.  “Нашето оружје е законот. Пукаме со законот”, вели Арсениевска. !Првата работа е распоред на судии, опремување на судот и јавност и транспарентност. Ако сум жена, јас сум цврста”, додаде новата претседателка на Судскито совет на РМ.