Македонија
Кратово, крај на светот!

Што видел и што и’ јавил на командата германскиот офицер што бил испратен во извидница на периферијата на Кратово, зад Радин Мост? Ексклузивни сведоштва за освојувањето на градот од германските војници на 6 април 1941 година
Интересни информации за германското окупирање на градот ни откри Стевче Доневски, претседател на Општинскиот центар за карпеста уметност во Кратово, кој 27 години грижливо собира информации за историјата, природното и културното богатство на Кратово, неговата околината и Осоговскиот регион.Во архивата на Доневски се зачувани драгоцени информации за настаните од 6 април 1941 г. – живи сведоштва на кратовците Владо Кузнанов – Карло (роден во 1919 г.), лимар Стефан Миладинов (1922), Тоде Ефремов (1933) и Раде Јакимовски, налбатин од соседното село Шлегово (1919), како и сеќавања од кажувањата на покојните кратовци Крсто Ивановски од Горно Кратово (1918-2010) и Никола Ефремов – Бата (1909-2006).На 6 април 1941 година, околу 10 часот, во Кратово пристигнале три троцикл-мотори со војници и еден старешина. Веста за доаѓањето на Германците брзо се раширила низ градот, во кој тогаш имало многу народ. Колку што успеале да разберат луѓето што биле сведоци на настанот од разговорите на старешината со војниците, се очекувало набргу во градот да пристигнат уште 30 војници,со борбени коли и тенкови. На изненадување на сите, германскиот старешина неочекувано испукал рафал накај ридот Баба. Биле застанати пред школото на улица „Гоце Делчев“ во близина на денешен ресторан „Кану“. „Во меѓувреме таму дошол доктор Трајче Манев, прочуен доктор, стар кратовец, роден 1898, починат 1974, кој знаел германски. Почнал да зборува на германски. Капетанот изненаден го прашал: ‘Од дека знаеш германски?’, на што му кажал дека има жена Германка. Офицерот зачуден запрашал: ‘Од каде пак жена Германка?’. На тоа доктор Трајче рекол: ‘Студирав медицина во Виена. Tаму се запознавме и се земавме“. Во тој момент присигнала трајчевата жена, Екатерина (Марица) Манева, и почнала да зборува со капетанот. Капетанот ја прашал кои се младите луѓе што биле собрани, и што чекаат?. Екатерина рекла дека се тоа работници што чекаат да се пазарат за да копаат по лозјата, дека не се партизани. Се свртела накај луѓето и им рекла да се свртат накај Боровите и да слушаат што ќе каже капетанот. Неговата порака била: ‘Немој некој да пружа отпор’. Во меѓувреме биле известени и партизаните, на кои им било порачано да не пружааа отпор. На прашањето од капетанот ‘Од каде пак сега вие тука, во Кратово?’, кажала дека со мажот и’ се запознале во Виена, на Факултетот, и се земале“, ни раскажа Доневски.Откако била упатена јавната порака до населението, трите трицикли се тргнале во обиколка на градот. Со нив ја зеле и Екатерина, која ги прашала дали може да им се придружи. Поминале од Чаршискиот мост, Чаршијата и се упатиле накај Радин Мост. Кога стигнале на Радин Мост, еден трицикл поминал преку мостот и понатаму, накај село Близанци, но набргу видел видел дека патот се стеснува, дека, кажано по кратовски, продожува како „козји пут“.Кога се вратил назад, пред Радин Мост имало околу 15 луѓе, кои дошле да ги гледаат моторите и униформите на војниците. Како што раскажале тие подоцна, додека војникот бил во извидница, старешината по радиоврска го прашал каде се наоѓа? Одговорот бил: „Во моментов сум на крајот на светот. Гледам само небо и карпи“.Решиле да се вратат накај Чаршијата. Тогаш Марица им предложила да ги однесе, да им покаже нешто: „Ќе ве одведам да видете нешто“. Влегле во Бидиковата кука. Војниците и старешината биле топло пречекани, со слатко. Старешината се интересирал за градската облека, за куќата – лажичките за слатко биле сребрени. Екатерина им кажала дека се на гости во трговска фамилија. Им рекла дека ако сакаат ќе ги однесе да видат и една куќа со дрвени бочви, жлебови, крбла, корита, буриња, каци – ако се љубопитни.„За тоа што го видел, страешината само казал: „Ова куќа во Македонија – кај нас, замок’. И, на враќање по кратовските сокаци, калдрамисани, ја виделе црквата и кулите. Продолжил накај село Шлегово, со голема мака да се пробиваат по тесните сокаци. Некои куќи биле оштетени од транспортните борбени коли, кои заглавиле кај црквата „Свети Ѓорѓи“. Кога го поминале стариот пат, виделе група народ на ридот кај новите гробишта. Старешината испукал рафал. Групата се растурила, а тројца младинци во селото почнале да чукаат на камбаната, навестувајки го доваѓањето на Германците. Поминале низ селото и кај местото Бели Крст виделе дека патот е лош и се стеснува. но поминале. Откако заминале од Приковци, целосно заглавиле кај местото Одина Нива – не успеале да продолжат накај Пробиштип. Во разговор со Централата, капетанот рекол дека се заглавени и не можат да продолжат за Пробиштип. Било17 часот. Централата дала наредба да се вратат накај Страцин. Во селската продавница на Ристеви во Шлегово земале само бисквити, благи работи и се вратиле“, ни пренесе Доневски дел од сведоштвата што ги собрал.Како што дознавме од разговорот со него, во Музејот во Берлин е архивирана службена белешка за „Крајот на Светот“. МТВ и Радио Кратово снимиле неколку прилози со за Кратово и Екатерина Марија. Екатерина во 1986 година му го продала на Радио Кратово сопствениот касетофон Грундинг, со што помогнала да почне со работа Радио Кратово. Група граѓани од Кратово покренале иницијатива во градот да се постават информативни табли за „Крајот на Светот“ и пред куќата на д-р Трајче и Екатерина Маневи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце за излез од државата се чека по 20 минути

Сообраќајот на државните патишта се одвива непречено, по суви коловози, информира АМСМ.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 20 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Притвор за уште едно лице од групата која е под истрага за злосторничко здружување, даночно затајување и перење пари

Управата за финансиска полиција информира дека во текот на вчерашниот ден, 28.08.2025 година, на граничниот премин „Долно Блаце“, при обид за влез во РСМ, е лишен од слобода С.А., државјанин на Р.Косово, за кој постои основано сомнение дека сторил кривично дело „Злосторничко здружување“ (чл.394 ст.2) и кривично дело „Даночно затајување“ (чл.279 ст.3).
Од страна на овластени службени лица од Управата за финансиска полиција, лицето веднаш било превземено и изведено пред судија на претходна постапка од каде му била определена мерка притвор во времетраење од 30 дена, по што истиот е спроведен во КПУ Куманово.
Притворањето, појаснуваат надлежните, е продолжение на акцијата од 25 август, кога беа притворени седум лица, како резултат на сложена предистражна постапка спроведена од страна на Управата за финансиска полиција, под раководство и во координација со надлежен јавен обвинител од ОЈО ГОКК, во рамки на која беа превземени низа мерки и активности и беше обезбеден обемен доказен материјал, што резултираше со поднесување на кривична пријава против 13 физички лица и 10 правни лица, за сторени кривични дела: злосторничко здружување, даночно затајување, даночна измама и перење пари и други приноси од казниво дело, со што е предизвикана огромна штета на државниот буџет во висина од над 430 милиони денари.
Македонија
Обвинение за насилство за таткото кој повреди 15-годишни деца на фудбалскиот натпревар во Штип

Основното јавно обвинителство Штип поднесе Обвинителен предлог против едно лице за кривично дело – Насилство од член 386 став 4 во врска со став 3 и став 1 од Кривичниот законик.
На 24 август, на фудбалскиот стадион “Бело Брдо“ во Штип, за време на фудбалскиот натпревар помеѓу пионерските екипи на фудбалските клубови “Брегалница“ од Штип и “Шкупи“ од Скопје, обвинетиот со грубо насилство ја загрозил сигурноста на оштетените две 15-годишни деца, кои биле играчи во тимот на ФК “Брегалница“.
На децата им нанел телесни повреди, а кај оштетените, останатата присутна публика и во јавноста предизвикал чувство на несигурност, загрозување и страв.
Настанот се случил во 89-тата минута од натпреварот, која судијата поради прекршок (фаул) доделил втор жолт картон со што го исклучил од игра синот на обвинетиот, кој играл за „Шкупи“. Незадоволен од одлуката, најпрво синот се однесувал неспортски и со тупаници и со удар со нога се обидел да се пресмета со еден од фудбалерите на „Брегалница“. Тогаш на теренот влегол таткото и со тупаници и клоци започнал да ги удира двете деца, нанесувајќи им телесни повреди. На игралиштето влегле и други лица од публиката, кои спречиле натамошна ескалација на настанот.
Јавниот обвинител до Основниот суд во Штип достави и предлог за продолжување на претходно определената мерка притвор за обвинетиот.