Македонија
Професионалните војници ќе се вработуваат во фирми кои ќе ги помага државата
Професионалните војници на кои им престанува службата во АРМ со навршени 38 години од денеска ќе можат да се пријавуваат на конкурс за вработување во компании коишто ќе ги субвенционира државата.
Професионалните војници се пријавени како дефицитарно занимање во Агенцијата за вработување и со дополнителни обуки ќе може да се пријавуваат за да бидат вработени во компании, на кои државата ќе им дава по 15.000 денари месечно во период од шест месеци.
Компаниите ќе имаат обврска овие лица да ги задржат на работа најмалку 18 месеци. Министерот за одбрана, Зоран Коњановски, денеска беше во посета на Агенцијата за вработување, за да се информира околу тоа како се спроведува Меморандумот кој го потпишаа со Агенцијата за вработување и министерството за труд и социјална политика.
„Ги поттикнувам професионалните војници во државата, после денешниот оглас, колку може помасовно да се пријават за ново работно место, за еден нов предизвик, нова професија, но во исто време ги повикувам и домашните компании да ги вработуваат професионалните војници и да го искористат овој момент на субвенционирање од страна на владата“ изјави Коњановски.
Според оперативниот план за мерките за вработување во 2011 година кој го усвои Владата, професионалните војници на кои им престанува службата во АРМ со навршени 38 години возраст ќе можат да ги користат бенефициите од овој план, односно Програмата за самовработување, Програмата за формализирање на постојни бизниси, Програмата за субвенционирање за вработување и Програмата за подготовка за вработување./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Првиот вицепремиер Изет Меџити учествуваше на Самитот на иднината во Обединетите нации
Првиот вицепремиер и Министер за животна средина и просторно планирање Изет Меџити, денеска учествуваше на Самитот на иднината во Обединетите нации. Овој самит собра повеќе од 150 лидери на држави и влади од целиот свет за да разговараат за предизвиците и можностите поврзани со иднината на човештвото.
„Како прв потпретседател на Владата на Република Северна Македонија, учествував на Самитот на Иднината во Обединетите нации, каде заедно со високата државна делегација, вклучително и претседателката Гордана Силјановска Давкова и министерот за надворешни работи Тимчо Муцунски, ја претставувавме нашата земја во овој голем глобален настан. Овој самит собра повеќе од 150 лидери на држави и влади од целиот свет за да разговараат за предизвиците и можностите поврзани со иднината на човештвото“, рече Меџити.
Меџити понатаму додаде дека на отворањето на самитот, каде што бил присутен, главниот фокус бил ставен на Пактот за иднината, амбициозен документ кој има за цел да изгради нова рамка за меѓународна соработка и одржлив развој.
„Во овој контекст, ги слушнавме инспиративните говори на генералниот секретар на ОН, Антонио Гутереш и на германскиот канцелар, Олаф Шолц, кои ја истакнаа важноста на глобалната соработка за соочување со најголемите предизвици на нашето време“, додаде Првиот вицепремиер.
Пактот за иднината е сеопфатен документ кој се однесува на широк опсег на критични прашања. Вклучува поглавја за човекови права, родова еднаквост, одржлив развој, наука, технологија и иновации, како и дигиталната соработка. Меѓу другото, се истакнува важноста од ангажирање на младите и зачувување на интересите на идните генерации кои се во центарот на трансформацијата на глобалното владеење.
Покрај учеството на овој форум на високо ниво, агендата на Меџити во Њујорк вклучува и серија состаноци со американски сенатори и други политички и економски лидери. „Овие средби ќе се фокусираат на продлабочување на соработката меѓу Северна Македонија и САД во клучните области како зелената енергија, технологијата и одржливиот развој, како и да се разговара за перспективите на нашата земја во меѓународните процеси“, појасни Меџити.
Македонија
Малолетници нападнале врсник во автобус на ЈСП
Малолетник синоќа бил нападнат од двајца други малолетници во автобус на Јавното сообраќајно претпријатие во Скопје.
„На 21 септември во 19.40 часот во СВР Скопје, П.Н. од Скопје пријавил дека во автобус на ЈСП на подрачје на Шуто Оризари, неговиот малолетен син бил физички нападнат од двајца други малолетници“, информираа од МВР во дневниот билтен.
Се работи на расчистување на случајот.
Македонија
Без струја утре делови од општина Кисела Вода
Без струја утре од 8:00 до 14:00 часот ќе бидат дел од корисниците лоцирани на улиците „Драчево“, „Чучевска“ и „Китка“ во општина Кисела Вода.
Како што соопшти РЦУК-Скопје, прекинот е поради планирани зафати во електродистрибутивната мрежа во Град Скопје.