Македонија
Ново обвинение за Кољо Американецот

Девет лица, меѓу кои и Кољо Николовски познат по прекарот Американец вчера беа обвинети од страна на федералната главна порота во Кливленд под обвинение за измама поврзана со пропаѓањето на Хрватската кредитна унија „Св. Павле“ минатиот април, пренесуваат американските медиуми.
Девет лица, меѓу кои и Кољо Николовски познат по прекарот Американец вчера беа обвинети од страна на федералната главна порота во Кливленд под обвинение за измама поврзана со пропаѓањето на Хрватската кредитна унија „Св. Павле“ минатиот април, пренесуваат американските медиуми.
Федералните власти го посочуваат ова како едно од најголемите пропаѓања на кредитни унии во американската историја, што го чинел Националниот осигурителен фонд околу 170 милиони долари.
Меѓу обвинетите се Ентони Рагуз од градот Ментор во Охајо и Кољо Николовски 48, кој има дом во Истлејк и во Скопје, МакедонијаНиколовски првично во јануари беше обвинет за банкарска измама и перење пари и оттогаш се наоѓа во затвор. Со ова се проширува обвинението кое вклучува и поткуп на банка.
Во периодот од 2003 и 2009 година, Николовски заедно со Рагуз со измама се стекнале со заеми во вкупна вредност од 5.6 милиони долари кои не ги вратиле, стои во обвинението.
Разгуз издал повеќе од 1.000 лажни заеми во вкупна вредност од 70 милиони долари, на вкупно 300 иматели на сметки во кредитната унија во периодот од 2000 до 2010. Тој е обвинет за банкарска измама, перење на пари и подмитување.
Меѓу другите обвинети е и поранешната жена на Николовски, Роус Ен Николовски од Истлејк.Кредитна унија „Св. Павле“ со имот од 239 милиони долари има две филијали,една во Истлејк и една во Кливленд.
Во април Националниот осигурителен фонд, агенција на федералната влада поради брзо влошување на финансиската ситуација во кредитната унија за време на првиот квартал од 2010 година ја презел 67 години старата институција. На крајот на април федералната влада ја ликвидира институцијата./крај/фф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Почнува попишувањето на иселениците, дипломатите, затворениците и бездомниците

Од денеска почнува првата фаза на пописот со која ќе бидат опфатени дијаспората, армијата, дипломатските претставништва, бездомниците и затворениците.
Попишувашењето на дијаспората ќе трае до 21 април.
Директорот на Државниот завод за статистика Апостол Симовски изјави дека целта на попишувањето на иселениците, покрај собирањето податоци е да ги потсети дека иако се иселиле тие се дел од земјата од која потекнуваат. Симовски најави дека процесот ќе се одвива преку интернет-апликација, достапна исклучиво од странство. Нејзиното користење, како што истакна Симовски е едноставно.
„Процесот на самопопишување ќе се спроведува преку веб-апликација која е многу едноставна и кориснички ориентирана, лесно достапна, што значи дека секој државјанин на Република Северна Македонија во странство ќе може лесно да ја пополни за многу кусо време, а единствениот услов е да се најави со својата е-маил адреса. Апликацијата е наменета исклучиво за самопопишување од странство, што значи пристапот од Република Северна Македонија е оневозможен“, истакна директорот Симовски.
Според премиерот Зоран Заев, пописот е најважната и најголемата статистичка операција со која ќе се обезбедат податоци за креирање ефикасни јавни политики во државата
„Процесот на отпочнување на преговорите со ЕУ започнува и со пописот, кој е од особена важност и наша обврска како држава-кандидат за членство во ЕУ, бидејќи токму поглавјето Статистика е едно од поглавјата од првиот кластер во преговорите. Со учеството во пописот секој граѓанин ќе даде свој личен придонес кон подобра иднина за сите нас. Тоа е наше задолжение, наша обврска кон државата, кон нас самите и кон нашите деца“, рече Заев.
Од друга страна, пратеникот од ВМРО-ДПМНЕ, Антонијо Милошоски вчера истакна дека власта не е подготвена за да го спроведе пописот. Посочи дека во време на пандемија и без вакцини, власта на мускули турка попис и го загрозува здравјето на граѓаните.
„ВМРО-ДПМНЕ отвори една граѓанска иницијатива за собирање на потписи и последната информација е дека се собрани 100 илјади потписи. Тие се потписи против нерегуларен попис. Сите сме за да има статистички попис, но не да биде истиот политичка операција во којашто владините функционери ќе се наддаваат со проценти“, рече Милошоски.
Националниот блок „Не отворам врата“ ги повика граѓаните да не ги пуштаат попишувачите дома, бидејќи сметаат дека пописот ќе биде фалсификуван и е веќе договорен меѓу Заев и Ахмети.
Од друга страна, вицепремиерот, Артан Груби, на Фејсбук ги повика иселениците Албанци да се мобилизираат и да се самопопишат во што поголем број.
Македонија
Сончево време со температура до 16 степени

Времето претпладне ќе биде сончево и свежо, попладне со мала до умерена облачност. Ќе дува умерен, а вдолж Повардарието засилен северен ветер.
Минималната температура ќе биде во интервал од -5 до 1, а максималната ќе достигне од 9 до 16 степени, јави УХМР.
Во Скопје сончево, до крајот на денот со мала до умерена облачност. Ќе дува умерен до засилен северен ветер. Минималната температура ќе се спушти до -3, а максималната ќе достигне 14 степени.
До четврток ќе преовладува сончево време, а од петок ќе има зголемување на облачноста со локален дожд кон крајот на денот. До вторник ќе дува умерен, а вдолж Повардарието повремено засилен северен ветер.
Утринските температури во следните денови на повеќе места ќе се спуштат под нулата, а дневните од среда ќе бидат во пораст.
Македонија
Мицкоски бара одговорност за вакцините: „Нема да ве оставиме на мира“

Претседателот на ВМРО-ДМНЕ, Христијан Мицкоски преку социјалните мрежи ѝ порача на власта дека нема да избега од одговорноста за тоа што не успеала четири месеци да нарача вакцини.
Вчера кажавме дека ја лажат македонската јавност, дека авансот за кинеските вакцини е вратен. Денеска официјално…
Posted by Hristijan Mickoski on Sunday, February 28, 2021
„Вчера кажавме дека ја лажат македонската јавност, дека авансот за кинеските вакцини е вратен. Денеска официјално потврдија. Нема да избегате од одговорноста за тоа што не успеавте четири месеци да нарачате вакцини. Вие сте срам за Македонија. Неспособни и крајно корумпирани. Заради вас умираат луѓе, заради вашата неспособност имаме сериозен трет бран на новозаболени. И пак не ви е гајле, бизнисот со корупција мора да тера, а народот секако ќе пати. Ви се гледа крајот, нема да ве оставиме на мира“, напиша Мицкоски.
Претседателот на ВМРО-ДПМНЕ вчера објави дека е позитивен на коронавирус.
- Книги2 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Црна хроника3 месеци
Млада девојка од Штип пронајдена мртва во нејзиниот дом
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа5 дена
Планот за отклучување на Германија протече во медиумите, Меркел: Имаме трет бран