Македонија
Груевски: Бранко излези на избори, не се криј!
Ајде Бранко излези на избори ако го почитуваш сопствениот народ.Не се криј“, рече претседателот на ВМРО-ДПМНЕ Никола Груевски, по неговиот повторен избор на челната позиција на партијата.
Ајде Бранко излези на избори ако го почитуваш сопствениот народ.Не се криј“, рече претседателот на ВМРО-ДПМНЕ Никола Груевски, по неговиот повторен избор на челната позиција на партијата.Тој го повика лидерот на СДСМ Бранко Црвенковски да излезе на фер, слободни и демократски избори.„Го повикувам да излеземе на фер, слободни и демократски избори, храбро, со чест, со достоинство, со почит кон граѓаните, без подметнување, туку со идеи“, истакна Груевски.Тој посочи дека ВМРО-ДПМНЕ е подготвено за новиот предизвик и како што рече, народот е тој што одлучува во каква Македонија сака да живее, реформска или транзициска.„Ние сме подготвени за новиот предизвик, ние ќе победиме, реформите ќе победат“, рече претседателот на ВМРО-ДПМНЕ, во завршниот дел на 14. партиски Kонгрес што се одржуваше во Битола.Развојот на Македонија и евроатланските интеграции, како што рече Груевски, се клучно поле на кое работи партијата, а и Владата.„Наш врвен приоритет останува членството во НАТО и ЕУ, но на тој пат имаме една пречка, а тоа е проблемот со нашето име. На овој проблем ќе посветиме максимално внимание. Ние сакаме решение, а граѓаните се тие кои ќе го имаат последниот збор на референдум“, посочи Груевски.Тој истакна дека е направен напредок во борбата против корупцијата, но, како што рече, потребни се уште многу мерки.„Оваа борба никогаш не смее да запре. Во таа борба ќе имаме многу противници. Погледнете што ни се случи сега кога расплетовме една пајакова мрежа, но ќе ги издржиме сите притисоци и удари. Мора да победи правната држава“, рече Груевски.Тој се осврна и на спроведувањето на Охридскиот рамковен договор и на меѓуетничкиот дијалог и посочи дека тие остануваат приоритет на Владата. Ја потенцираше и важноста на кадровската политика на партијата и политиката на отворени врати.„Не смее никого да го обземе малодушност, посесивност и страв од конкуренцијата. Наш интерес е да ги привлечеме најдобрите и најталентираните. Со нив и ние ќе одиме напред“, им се обрати Груевски на 650 делегати кои присуствуваа на Конгресот во Битола.Претседателот на ВМРО-ДПМНЕ рече дека се потребни постојани реформи за да се постигне посакуваниот резултат и дека целта на партијата и понатаму останува отворање на нови работни места и подобрување на квалитетот на живот на граѓаните.„Наша должност е да бидеме со народот во секое негово премрежје зошто ние потекнуваме од народот“, рече лидерот на ВМРО-ДПМНЕ.Со денешното обраќање на Груевски заврши 14. Конгрес на владејачката партија, што вчера и денеска се одржа во БитолаПретходниот конгрес ВМРО-ДПМНЕ го одржа во Штип во 2007 година под мотото „Обединети кон целта“.Груевски за лидер беше избран на Kонгресот во Охрид во 2003 година, а противкандидат му беше Марјан Ѓорчев. На тој конгрес по 13 години од лидерската позиција на партијата се повлече Љубчо Георгиевски. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.