Денеска во 15 часот, во рамки на неколкудневната Манифестација во знак на сеќавање на сограѓаните Евреи од Скопје, жртви на холокаустот, пред Музејот на град Скопје ќе бидат пречекани урните од Битола и од Штип што ќе бидат изложени во просториите на Музејот, заедно со скопската урна.

Денеска во 15 часот, во рамки на неколкудневната Манифестација во знак на сеќавање на сограѓаните Евреи од Скопје, жртви на холокаустот, пред Музејот на град Скопје ќе бидат пречекани урните од Битола и од Штип што ќе бидат изложени во просториите на Музејот, заедно со скопската урна. Вечерва од 19 до 21 часот ќе се одржи Комеморација проследена со комеморативен концерт на македонската филхармонија во Македонската опера и балет.Сите три урни утре со гардиска придружба ќе бидат предадени на Меморијалниот центар на холокаустот на Евреите од Македонија, кои се очекува да пристигнат во 10 часот, кога со почесна стрелба и палење на вечен оган ќе биде отворен Меморијалниот центар.Денеска и утре ќе биде воведен посебен сообраќаен режим на дел од сообраќајниците во близина на Меморијалниот центар на Холокаустот.Поради одржување на Комеморијалната академија во  сеќавање на холокаустот, од 17 часот во Македонската опера и балет ќе се пропуштаат само возила на познати личности, а откако ќе се пополни подземниот паркинг, гостите ќе паркираат на крајната десна сообраќајна лента на улиците Стив Наумов.Утре на овие улици нема да биде дозволено движење и паркирање на возилата. Во периодот од 9 часот и 30 минути до 12 часот, кога ќе се одржува централната свеченост во Меморијалниот центар, сообраќајот ќе биде пренасочен по булеварот Гоце Делчев и по улицата Лазар Личеноски, како и по надвозникот што ги поврзува овие две сообраќајници. крај/к.с