Македонија
Продолжува црната серија на Мајами
Портланд славеше во Америкен Еирлајнс Арената (96:105) и ја продолжи серијата порази на Мајами Хит. Жешките Пет мечеви по ред не знаат за победа, а веќе вечерва ги чека меч со Лос Анџелес Лејкерс кои се во победнички ритам
Луол Алдриџ постигна 26 кошеви за Портланд, а Џералд Волис додаде 22 поени и 9 скокови. Шест играчи на Блејзерси имаа двоцифрен учинок.Двејн Вејд постигна дури 38 поени на кои додаде 6 скокови и 5 асистенции, а Леброн Џејмс 31 поен со 11 скокови и 8 асистенции, но тоа не му помогна на Мајами да се спаси од пораз. Потфрли Крис Бош со за него прескромни 7 кошеви.Останати резултати:Вашингтон – Милвоки 76:95 (Џордан Крофорд 22 п. / Брендон Џенингс 23 п. 5 ск.)Индијана – Филаделфија 100:110 (Тајлер Хенсбру 26 п. 6 ск. / Андре Игуадала 16 п. 10 ас.)Атланта – Л.А. Лејкерс 87:101 (Ал Хорфорд 17 п. 9 ск. / Коби Брајант 26 п. 6 ск.)Кливленд – Голден Стејт 85:95 (Барон Дејвис 19 п. 5 ск. 6 ас. / Марио Елис 24 п. 7 ск. 7 ас.)Феникс – Хјустон 113:110 (Хаким Ворик 32 п. 8 ск. Винс Картер 32 п. 6 ск. / Кајл Лоури 32 п.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

