Македонија
Адвокати бараат обвинителот да го напише обвинението за „Сопот”
Ова е трето одложување на овој судски процес. Сите досегашни одложувања како и денешното се поради разни барања на адвокатите.
Судскиот процес за загинувањето на полски војници од подметната мина во 2001 година кај кумановското село Сопот денеска се одложи поради барање на адвокатите обвинителот да напише обвинение со кое ќе се опфатат сите претходни обвинителни актови за случајот Сопот.И судот и обвинителот го прифатија барањето заради што судењето беше презакажано за околу еден месец.Ова е трето одложување на овој судски процес. Сите досегашни одложувања како и денешното се поради разни барања на адвокатите.Пред три недели судењето беше одложено поради неподготвеност на адвокат кој имал заразна болест.Случајот „Сопот“ е познат на јавноста по анкетната комисија во Собрание каде се бараше и се успеа во намерата да се отвори нов судски предмет за случајот.Според барањето на Комисијата и адвокатите на обвинетите, жителите на село Сопот не биле виновни за поставување на мината од која загинаа војниците.Клучниот сведок кој кажал дека тие се терористите, бил крвнички тепан и принуден во полиција да каже таква приказна. Сега истиот сведок повторно ќе се испрашува.Дел од селаните од Сопот веќе се осудени на повеќегодишни затворски казни. /крај/км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Неколку скопски општини денеска без струја
Од ЕВН Македонија АД известуваат дека денеска без електрична енергија ќе останат:
– од 08:30 до 14:00 часот, корисниците од дел од улиците: Полог и Кочанска, општина Кисела Вода;
– од 08:30 до 16:00 часот, корисниците од населените места и објектите од село Алдинци кон Солунска Глава, општина Студеничани;
– од 09:00 до 14:00 часот, корисниците од дел од ул. Македонско Косовска Бригада, општина Шуто Оризари;
– од 09:00 до 14:00 часот, корисниците од објектите во околината на зграда бр. 17 на бул. Партизански Одреди, општина Центар;
– од 09:30 до 13:00 часот, корисниците од ул. 6 во село Бардовци, општина Карпош.
Македонија
Непречен сообраќај по влажни коловози
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Времето денес облачно со повремени врнежи од дожд и засилен ветер
Времето денес ќе биде променливо облачно и релативно топло со повремени локални врнежи од дожд. Наместа врнежите ќе бидат поројни со услови за појава на грмежи. Ќе дува засилен до силен ветер од југозападен правец (над 70 km/h). Минималната температура ќе биде во интервал од 8 до 15, а максималната ќе достигне од 19 до 24 степени.
Во Скопје, променливо облачно, претпладне со повремен дожд, локално пороен. Ќе дува умерен, во делови од котлината повремено засилен ветер од јужен правец. Минималната температура ќе се спушти до 13, а максималната ќе достигне до 23 степени.
Во утре ќе има преодно стабилизирање на времето. Од недела до вторник ќе преовладува променливо облачно време со повремени локални врнежи од дожд. Во понеделник наместа врнежите ќе бидат пообилни и поројни со услови за појава на грмежи. Ќе дува засилен, повремено силен ветер од јужен правец (над 70 km/h).

