Македонија
Казни за партиите кои ќе згрешат во финансирањето на изборните кампањи
Политичките партии да се казнуваат исто како и сите правни лица. Со измените и дополнувањата на Кривичниот законик се предвидува забрана за користење на средствата
Политичките партии да се казнуваат исто како и сите правни лица. Со измените и дополнувањата на Кривичниот законик се предвидува забрана за користење на средствата за финансирање на политичките партии од буџетот на државата, доколку партијата како правно лице ги повредила законските одредби кои се однесуваат на финансирањето на изборната кампања. Со овие измени се создаваат алатки за справувањето со корупцијата во политичките партии.
„Во делот на политичките партии во споредните казни се предлага да се внесе споредна казна која е именувана како „забрана за користење на средства за финансирање на политичките партии од Буџетот на Република Македонија“, ако се претпостави дека политичката партија како правно лице ги повредила сите овие законски одредби кои се однесуваат на финансирањето на изборната кампања. И покрај казната која ќе се изрече заедно со таа казна се изрекува и оваа забрана за користење на средства“ објаснува професорот Владо Камбовски.
Забраната за користење на средствата задолжително ќе се изрече за сторителот кој ќе биде осуден за овие дела против изборите и гласањето.
„Сите дејствија коишто можат другите правни лица да ги направат во смисла на казнени дела, сега е предвидено дека тоа можат да го прават и партиите. Се предвидуваат и одредби со кои на партиите може да им биде изречена една од тие мерки да им се изрече забрана за користење на државни буџетски средства“ објаснува скопскиот јавен обвинител, Марко Зврлевски.
Освен ова, во делот на корупцијата во приватниот сектор се прошируваат инкриминациите на примање на подароци во приватниот сектор.
„Досега во приватниот сектор беше инкриминирано само примањето на награда за некој во правното лице да преземе определени дејствија кои се спротивни на законските должности, а сега се инкриминира и активната страна, односно оној кој ја дава наградата затоа да се направи, тоа е пандан на делото „давање поткуп“ како дело против службената должност“ вели Камбовски.
Исто така во делот на инкриминации поврзани со заштитата на малолетните лица се воведува посебен регистер за сторители на дела на сексуална злоупотреба на малолетници со тоа што во Кривичниот законик ќе бидат поставени само основите на таквиот регистар, додека во Законот за малолетничка правда ќе треба понатаму да се разработи во која функција и како ќе можат тие податоци да се чуваат, евидентираат собираат, користат.
Министерството за правда денеска одржа јавна расправа за измените и дополнувањата на кривичниот законик. Овие измени се очекува до крајот на месецот да се најдат и на владина седница./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Хоџа-Габриел: Стратешко партнерство за европски инвестиции во животната средина
Министерот за животна средина и просторно планирање, Муамет Хоџа, денеска оствари работна средба со Бјорн Габриел, раководител на Канцеларијата на Европската инвестициска банка (ЕИБ) во Северна Македонија.
На средбаta, Хоџа и Бјорн разговараа за продолжување на досегашната соработка меѓу Министерството и ЕИБ, со посебен фокус на имплементацијата на стратешките проекти во областа на животната средина и водната инфраструктура.
Хоџа ја истакна важноста на континуираната поддршка од ЕИБ во реализацијата на проекти кои имаат директно влијание врз подобрувањето на квалитетот на живот на граѓаните и заштитата на животната средина.
Бјорн нагласи дека Европската инвестициска банка, како банка во сопственост на земјите членки на Европската Унија и како најголема мултилатерална финансиска институција, поддржува одржливи проекти кои придонесуваат кон остварување на стратешките цели на ЕУ, со посебен фокус на Европа.
Министерството за животна средина и просторно планирање и Владата на Република Северна Македонија имаат потпишано два кредитни договори со ЕИБ, и тоа 68 милиони евра за проектот „Изградба на станица за третман на отпадни води за градот Скопје“ и 50 милиони евра за проектот „Подобрување на водната инфраструктура во општините“, кој опфаќа 80 општини во државата.
Покрај кредитите, ЕИБ обезбедува и грантови за техничка помош, а во рамки на проектот за станицата за третман на отпадни води во Скопје се обезбедени 69 милиони евра грантови од Инвестицискиот фонд за Западен Балкан (WBIF), кои се администрираат преку ЕИБ како водечка банка на проектот.
Бјорн повторно ја потврди посветеноста на ЕИБ за целосна поддршка во реализацијата на проектите, потенцирајќи ја тесната соработка со проектните тимови, редовното учество на координациски состаноци и улогата на ЕИБ како мост помеѓу институциите на Европската Унија и Владата на Република Северна Македонија.
Двете страни се согласија да продолжат со интензивна соработка со цел успешна имплементација на приоритетните проекти во областа на животната средина.
Македонија
Хоџа–Солстром: Шведска, клучен партнер во еколошките реформи
Министерот за животна средина и просторно планирање, Муамет Хоџа, оствари средба со амбасадорот на Кралството Шведска во Република Северна Македонија, Ола Солстром, на која беше разговарано за унапредување на билатералната соработка во областа на животната средина и поддршката за европската интеграција на државата.
Хоџа изрази благодарност за континуираната поддршка што Шведска ја обезбедува преку бројни проекти од областа на животната средина, кои придонесуваат за усогласување со европските стандарди и подобрување на квалитетот на живот на граѓаните.
Притоа беше нагласено дека Шведска е трет најголем донатор на Министерството, по Европската унија и Швајцарија.
На средбата беа презентирани тековните и планираните заеднички проекти, со посебен акцент на управувањето со отпад, зајакнувањето на институционалните капацитети за Поглавје 27 и активностите за подобрување на квалитетот на воздухот.
Посебно внимание беше посветено на регионалните и националните иницијативи за справување со загадувањето на воздухот, вклучително и проектот „Справување со загадувањето на воздухот“, кој се реализира со поддршка од Шведската агенција за меѓународна развојна соработка (Sida) и УНДП.
Хоџа ја потврди заложбата на Министерството за продолжување и продлабочување на соработката со Кралството Шведска, во насока на заштита на животната средина и забрзување на европската интеграција на Северна Македонија.
Македонија
Државните патишта проодни, поради врнежите од снег се препорачува внимателно возење
AМСМ информира дека сите државни патишта се проодни и безбедни за сообраќај. Сообраќајот се одвива непречено, но поради врнежите од снег се препорачува внимателно возење.
„Екипите на ЈП Македонија пат се целосно екипирани, ставена е на располагање потребната механизација и работна сила и во континуитет на терен се врши расчистување на снегот. Во соработка со ЈП за државни патишта и Министерство за транспорт се вршат координирани активности со цел да се обезбеди непречено и безбедно одвивање на сообраќајот.
Покрај внимателно и совесно управување со возилата, се препорачува задолжително употреба на зимска опрема, почитување на поставената сообраќајна сигнализација и прилагодена брзина согласно условите на патните правци.
Исто така се препорачува навремено информирање од страна на сите информативни центри за условите и сообраќајот на државните патишта.
Кооридинираните активности на надлежните институции продолжуваат и во текот на наредниот период, со цел да се обезбеди непречено и безбедно одвивање на сообраќајот“.
Од 15.11.2025 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2026 година, потсетуваат од АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

