Владеачката ВМРО-ДПМНЕ изрази задоволство што лидерот на СДСМ Бранко Црвенковски ја прифатил поканата за средба со нивниот лидер Никола Груевски.

Владеачката ВМРО-ДПМНЕ изрази задоволство што лидерот на СДСМ Бранко Црвенковски ја прифатил поканата за средба со нивниот лидер Никола Груевски.„ВМРО-ДПМНЕ изразува задоволство што со поканата за лидерска средба успеавме да го извлечеме Бранко Црвенковски на прес конференција после еден месец негово криење од македонската јавност“, се вели во партиската реакција.Воедно се изразува надеж дека не станува збор за, како што се истакнува, уште еден блеф и политички маневар на Црвенковски со кој ќе сака да направи се за да го стопира и наруши изборниот процес, само за да го одложи крајот на својата политичка кариера. „Реакцијата на Црвенковски која практично доаѓа дури еден месец по неговото последно појавување во јавноста кога беше прифатено нивното барање за предвремени избори од страна на ВМРО-ДПМНЕ, ја гледаме како негов обид да се извлече од ситуацијата во којашто сам се заплетка себеси и со која сериозно им наштети на интересите на граѓаните и на државата“, се вели во соопштението на ВМРО-ДПМНЕ .Од партијата појаснуваа дека идејата за билатерална средба меѓу ВМРО-ДПМНЕ и СДСМ произлегла од фактот што по излегувањето на СДСМ од Собранието сериозно се нарушиле интересите на државата. „ВМРО-ДПМНЕ со сериозност пристапува кон претстојните парламентарни избори и ќе направи се што е во нејзиниот домен тие да се одржат во фер и демократска атмосфера“, стои на крајот од партиското соопштение. /крај/со/ап/