Обвинителот Јован Илиевски, шеф на одделот за организиран криминал, донел одлука Гордана Гешковска да остане обвинител за случајот „Изгрев“

Тој го одбил барањето за изземање на обвинителката, кое го поднесе обвинетиот Димитар Миладинов. На последното судско рочиште тој побара Гордана Гешковска да не го работи предметот оти Вишото обвинителство констатирало пропусти во нејзината работа.Барањето го поднесоа браќата Миладинови обвинувајќи ја обвинителката дека наводно поради корупција и лична кариера го напишала обвинителниот акт.„Барањето е поради тоа што се сомневаме во непристрасноста на обвинителката. И обвинителот Љупчо Шврговски потврди дека имало грешки во обвинението заради што таа треба да го напушти процесот”, образложи во понеделникот Димитар Миладинов.Тој на рочиштетот во понедленикот изнесе тешки обвинувања за обвинителката. Ја нападна дека направила монтиран процес и класичен прогон за да уништи бизнис кој некој друг требало да го преземе. Се повика на материјални докази кои ќе ги приложел дополнително.Додека зборуваше се расправаше со неа дали се служи со мобилниот телефон во судница. Обвинителката Гордана Гешкоска телефонот го предаде на судијата. Миладинов во детали образложуваше зошто обвинителката треба да биде изземена и посочи дека таа правела притисок и на судечкиот судија. Тогаш настана тензија во судницата по што судијата возврати со опомена: „Забегавте, прекинете”, но Миладинов кажа се што мислеше дека треба за да го аргументира барањето за изземање. На ова барање се приклучи и еден од адвокатите кои образложуваше сосема друг предмет во кој Гешковска била обвинител.Обвинителката Гешкоска, пак, кажа дека нема да го коментира барањето, но додаде дека адвокатите се служат со полувистини за да и наштетат.„Моето постапување во предметите е одобрено од Јавниот обвинител на Република Македонија”, рече Гешкоска.Тогаш настана и препирка дали треба да се прекине или не судењето. Судијата на крајот сепак го одложи процесот за следниот месец.Браќата Миладинови беа осудени на по шест и пол години затвор за финансиски малверзации со хотелот „Изгрев“ во Струга, односно за перење пари и измама со кредити.Апелациониот суд ја укина пресудата по барање на Вишото јавно обвинителство кое потврди дека во обвинителниот акт имало грешки, постапката била водено погрешно и немало докази.  Предметот е на повторно судење, а Миладинови и неговите бранители очекуваа обвинителката Гешкоска да го повлече обвинителниот акт