Без договор доцна синоќа заврши средбата на лидерите на најголемите политички партии ВМРО-ДПМНЕ и СДСМ, Никола Груевски и Бранко Црвенковски.

Без договор доцна синоќа заврши средбата на лидерите на најголемите политички партии ВМРО-ДПМНЕ и СДСМ, Никола Груевски и Бранко Црвенковски.

По средбата Груевски изјави дека од страна на неговата партија биле прифатени голем дел од барањата, но посочи дека постојано биле доставувани нови предлози, а пак Црвенковски го повтори ставот на СДСМ дека додека не бидат исполнети условите тие остануваат надвор од Собранието.

Црвенковски изјави дека не е постигнат договор за барањата за Изборниот закон и за утврдување на состојбата со избирачкиот список, а за деблокирање на сметките на А1 телевизја, весниците Шпиц, Коха е ре и Време според него кај ВМРО-ДПМНЕ не постои интерес.

Груевски пак останува на ставот дека извршната власт не смее да се меша во работата на судската власт и оти деблокирањето на сметките на медиумите е во рацете на судот.Рокот за распуштање на Собранието кој го даде ВМРО-ДПМНЕ ќе се пролонгира за десет дена, поради како што рече Груевски продолжувањето на рокот на Комисијата која ќе го прочистува избирачкиот список.

„Прифативме многу од нивните барања, подготвени сме и дополнително да ги прифатиме сите нивни логични и нелогични барања се со цел да одиме на избори. Но, доколку е потребно ќе одиме на избори и во присуство на бојкотот на СДСМ“, изјави Груевски по осумчасовната средба со лидерот на СДСМ.

Црвенковски рече дека е подготвен за уште средби, но и дека ќе инсистира на лидерска средба во проширен состав.За утре е закажана собраниска седница на која треба да се гласа предлогот за претседател на ДИК, измените и дополнувањата на Изборниот закон, како и формирање на повремена комисија која ќе ја утврдува состојбата со избирачкиот список./крај/бд