Македонија
Судот за "Метастаза" и "Фаланга" укина куќни притвори

Кривичниот совет на одделението за организиран криминал и корупција при Основниот Суд Скопје 1 , укина три куќни притвори за обвинетите од предметите “Метастаза” и “Фаланга”.
Кривичниот совет на одделението за организиран криминал и корупција при Основниот Суд Скопје 1 , укина три куќни притвори за обвинетите од предметите “Метастаза” и “Фаланга”. Со првото решение е укинат домашен притвор по барање на одбраната за двајца обвинети од Скопје со гаранција хипотека на недвижен имот, како поблага мерка за обезбедување на негово присуство во текот на кривичната постапка. Третиот притвор, за кој одлучувал Советот е за обвинет од Велес. Советот донел решение со кое го уважил предлогот на одбраната за укинување на мерката и како во случајот “Метастаза“ е обезбедена хипотека на недвижен имот. И двата мега случаи се уште траат во судот и се во фаза на изведување материјални докази. Во случајот “Метастаза” им се суди на лекари и посредници за давање лажни дијагнози за добивање инвалидски пензии, а во вториот случај им се суди на диви копачи продавачи на артефакти.крај/км
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Побаран притвор за тројца учесници во протестите за „Монструм“

Основното јавно обвинителство Скопје поднесе до Основниот кривичен суд Скопје предлози за определување мерка притвор за трoјца учесници во протестот за пресудата за случајот „Монструм“ што се одржа во петокот, а на кој беа повредени 11 полицајци.
„Осомничените, од кои двајца на возраст од 29 години и еден 22-годишник, на 26 февруари учествувале на јавниот собир на граѓани во Скопје – протест за пресудата во предметот ‘Монструм’. Притоа тие биле дел од толпа која со заедничко дејствување сторила насилства кон полициски службеници и други присутни лица. Имено, осомничените и повеќе други лица започнале заеднички да дејствуваат кон полициските службеници, фрлајќи со камења, бекатон-плочки, метални шипки и други предмети, во обид да го пробијат полицискиот кордон. Како резултат на ова, со тешки телесни повреди се здобил новинар присутен на местото на настанот, а повредени биле и 11 полициски службеници“, соопшти Обвинителството.
Бидејќи постојат околности кои упатуваат дека осомничените би можеле да избегаат или да го повторат делото, јавен обвинител достави предлог до Судот за определување мерка притвор за тројцата осомничени. Претходно за истиот настан Основното јавно обвинителство Скопје веќе поведе постапка за двајца други учесници во протестите.
Сите се осомничени за учество во толпа која ќе изврши кривично дело.
Македонија
(Видеоинтервју) Георгиевски: Србите биле три пати пожестоки, па не ги нарекуваме окупатори, зошто да не им простиме и на Бугарите

За експремиерот Љубчо Георгиевски нема ништо спорно ако македонската страна ги смени во учебниците називите за Бугарите од типот окупатор, номад или фашист, затоа што, според него, Македонија ѝ ја простила на Србија окупацијата од 30 години, ѝ простила и на Турција за петте века, па зошто да не ѝ прости и на Бугарија.
Во интервјуто за „А1он“, зборувајќи за македонско-бугарските односи, уште еднаш потенцира дека Македонија треба да ја смени перцепцијата кон Бугарија и да престане со антибугарското расположение, затоа што, според него, во минатото Бугарија била најголемиот поддржувач на Македонија, особено во 19 век. Наспроти ова, Геориевски вели дека треба да ѝ се оддаде признание и почит на Бугарија.
„Ако сме им простиле на Србите, кои биле три пати пожестоки окупатори на овие простори, ако сме им простиле во поновата историја на УЧК и седат во Владата, не гледам проблем да им простиме и на Бугарите. Аршинот треба да биде ист. Ако не простуваме, не простуваме никому. Треба да ја смениме перцепцијата и да признаеме дека Бугарија била најголем поддржувач на Македонија во 19 век. Факт е дека секој ранет комита од Македонија одел на лечење во Бугарија. Секој кој бил гонет се криел во Бугарија, 90% од оружјето доаѓало од Бугарија, обуките биле таму, во Бугарија. Таа поврзаност Бугарија- Македонија била многу јака, зошто има проблемот да ја признаеме? Триесет години го зборувам ова. Ако ги утврдевме пријателските места немаше да дојдеме до ова, ако секој политичар градеше по еден чекор, ниту ќе имавме обврски, ниту ќе ја имавме оваа шокова терапија“, вели Георгиевски во интервју за „А1он“.
На прашањето за откажувањето од македонското малцинство во Бугарија, Георгиевски вели дека тоа не било ништо ново и дека Македонија и со Договорот од Преспа и со Договорот со Бугарија се откажала од малцинствата.
„Предлагам да даде гаранција дека со ништо нема да ги поддржува аспирациите на македонското малцинство во Бугарија. Повторно галама, вик, патриоти колку сакате, а не гледам зошто. Македонија во овие 30 години шест пати официјално се има откажано од малцинствата во Грција и Бугарија. Три пати во договори со Грција, уште два пати во договор со Бугарија. Ги избришале од Уставот малцинствата, веќе не знам со кои промени и конечно со последниот договор меѓу Заев и Борисов, член 11, има шест потточки со кои ние се обврзуваме дека нема да даваме никаква поддршка таму. И сега кога јас го нудам тоа, виновен сум. Ако до сега пет пати сме се откажале од нив, да се откажеме и овој пат и да им дадеме гаранција на Бугарите“, објаснува Георгиевски.
Георгиевски смета дека Македонија мора да направи компромис и со заедничките историски личности и список на кој ќе им се направат историски биографии и доколку има факти дека тие дејствувале како Бугари, тоа да стои официјално.
„Да се направи список од 15 личности и да се каже овие се општи личности, без многу елаборирања, и дискусијата да заврши. И независно од тоа да се кажат основните биографски податоци за нив, затоа што Бугарите сметаат дека македонската историографија ги крие и не ги кажува, и тие податоци да се вметнат. И да се каже дека Гоце Делчев, Даме Груев и сите други биле учители на бугарската егзархија, факт ли е тоа дека македонската историографија тој факт не го знае, зошто го крие? Биле учители, признавате, а со тоа вие ја менувате глобалната перцепција дека не биле толку лоши туку биле пријатели, но ние не го кажуваме како факт. Ние потоа ќе си објасниме под кои околности работеле тука. Сега тука се смирени и двете страни, тие ќе си толкуваат по нивно, ние по наше“, вели Георгиевски.
На бурните реакции во јавноста откако тој ги изнесе и сега потврди за „А1он“ своите гледишта, Георгиевски рече дека стои зад нив и не е проблем ако некои политичари покренат иницијатива за негово протерување од државата. Вели дека има три државјанства, покрај македонското и бугарското, но не кажа кое е третото.
Не се чувствува повикан дека ја брани бугарската страна и додаде:
„Од 1990 година откако се појавив на политичката сцена добивам етикети за кого работам и што, но никогаш не сум се повел на планот на популизмот. Во ’90 не се откажав од идејата за самостојна Македонија, кога најголемиот број беа за Југославија“, рече Георгиевски.
Македонија
Утре сончево време, од петок облачно

Времето утре ќе биде сончево со слаб до умерен ветер од северен правец. Минималната температура ќе биде во интервал од -5 до 1, а максималната ќе достигне од 12 до 18 степени.
Во Скопје, сончево со слаб до умерен северен ветер. Минималната температура ќе се спушти до -2, а максималната ќе достигне до 16 степени.
Во следните два дена ќе се задржи сончево и релативно топло време. Утринските температури на повеќе места ќе се спуштаат под нула, а дневните ќе бидат во пораст. Од петок ќе има зголемување на облачноста, а во деновите од викендот ќе преовладува променливо облачно време со повремен локален дожд, на планините снег и со опаѓање на дневните температури.
- Книги3 месеци
Македонски лекар ја објави последната исповед на Јосип Броз Тито
- Македонија3 месеци
МЖСПП: Мечкиното грозје важен ресурс, кој треба грижливо да го собираме
- Македонија3 месеци
(Видео) Отстранети два нелегално изградени објекта во општина Центар
- Македонија2 месеци
Возачот на „бентлито“ што „влета“ на плоштад казнет со 45 евра, објавена фотографија од записникот
- Регион2 месеци
(Видео) Прекината прес-конференција на градоначалникот на Бања Лука: „Луѓе ова е сериозен земјотрес“
- Регион2 месеци
(Видео) Снимен моментот на потресот во Петриња – луѓе не можат да се задржат на земјата
- Европа6 дена
Планот за отклучување на Германија протече во медиумите, Меркел: Имаме трет бран
- Свет1 месец
Поради примање мито во Кина погубен поранешен државен функционер