Македонија
Дваесет години од првата Македонска влада
Премиерот никола Груевски истакна дека нема да се отстапи од аманетот кој е оставен од првите македонски министри и премиер, во неговото обраќање пред членовите од првата влада на независна Република Македонја од чиешто формирање денеска се навршуваат две децении
„Предизвиците со кои првите македонски министри и премиер се соочија и ги надминаа, осамостојувањето, промовирањето на демократијата, градењето на политичкиот систем, имплементацијата на самостоен економски систем, градењето сопствена полиција и армија, развојот на образованието и културата, остануваат врвно сведоштво на еден модерен патриотизам и вечен завет да продолжиме со реформите, создавањето нови вредности кои ќе бидат од значење и корист за нашите граѓани“, рече премиерот Никола Груевски.Нагласувајќи оти ќе продолжи делото на првата македонска влада, премиерот укажа дека тоа бара многу енергија, знаење, вештини и вложување на нашиот сеопшт потенцијал и капацитет.„Обезбедувањето услови за натамошен економски развој на земјата и подобрување на стандардот на граѓаните, создавањето можности за општ културен и образовен напредок, за унапредување на демократијата, соживотот, мултиетничката и мултикултурна соработка, почитување, понатамошно модернизирање и реформирање на сите полиња на општествениот живот, се аманет кој ни беше оставен и од кој нема да отстапиме и ќе го оствариме“, посочи премиерот.Ѓорги Наумов, поранешен министер за правда, смета дека 20 години историски гледано не е долг период, затоа што држава како што рече, не се создава лесно.„Македонија сè уште има детски болести, но не е така лошо како што некој сака да прикаже. Државата можеби треба да посвети повеќе внимание на социјалната политика, бидејќи по Устав нашата држава е социјална држава“, изјави по средбата Наумов.Поранешниот министер за финансии Јане Миљоски очекува дека раководствата на политичките партии заеднички ќе формулираат стратешки цели за Македонија кои ќе ја одведат земјата напред.„Првата влада одлично ја заврши својата работа. Повеќе не можеше, повеќе сакавме, но тоа е времето“, изјави Миљоски.Според поранешниот министер за внатрешни работи, Љубомир Фрчкоски, првата влада успеала да направи значајни гестови, посебно повлекувањето на ЈНА, Уставот како генерален акт и економската консолидација на државата.По повод 20 години од првата влада на независна Македонија, претседателот на државата Ѓорге Иванов постхумно го одликуваше со орден на заслуги „8-ми Септември“ првиот премиер Никола Кљусев, а претходно премиерот Никола Груевски положи свежо цвеќе на гробиштата во Бутел.Во хотелот „Холидеј ин“, пак, беше организиран свечен прием на кој присуствуваа бројни пратеници, министри, градоначалници, амбасадори, јавниот обвинител, народниот правобранител, претставници од АРМ, пратеници, универзитетски професори, амбасадорот на Европската унија, Петер Соренсен, амбасадорот на САД, Филип Рикер и други.По одржаните парламентарни избори во 1990 година, Собранието на 20 март 1991 ја изгласа првата влада на тогашната Социјалистичка Република Македонија по воведувањето на политичкиот плурализам. На чело на првата Влада беше избран Никола Кљусев, а таа по својот карактер беше техничка влада. Согласно Декларацијата за сувереност на Социјалистичка Република Македонија, основна цел на новата влада беше конституирање на Република Македонија како независна држава.Поради меѓупартиските конфликти, оваа влада не траеше долго. На 17 август 1992 година на оваа влада Македонското собрание и’ изгласа недоверба.Прв премиер беше Никола Кљусев, а за вицепремиери беа избрани Блаже Ристовски, Јован Андонов и Бекир Жута. Во владата имаше 15 министерства и тројца министри без ресор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Предизборен молк пред утрешните претседателски избори, денеска гласа дијаспората, болните и затворениците
Започна предизборниот молк пред утрешните претседателски избори. Молкот завршува на 24 април во 19 часот, кога се затвораат избирачките места.
Денеска ќе гласаат избирачите запишани во посебниот извод од избирачкиот список, односно дијаспората, затворениците, лицата во старските домови, болните и изнемоштени и внатрешно раселените лица.
Гласањето за претседател започна во саботата, први гласаа членовите на избирачките одбори кои отпатуваа да го спроведат гласањето во дијаспората.
Во посебниот извод од избирачкиот список се запишани 191 избирачи кои треба да го спроведат гласањето во дијаспората.
Во дипломатските претставништва и конзуларни канцеларии треба да гласаат наши граѓани кои живеат во странство а кои се пријавиле за гласање.
Право на глас имаат 1.814.317 гласачи запишани во единствениот избирачки список. Избирачките места се отвораат во 7 часот, а гласањето трае до 19 часот. Се гласа на 3480 избирачки места во целата земја.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)
Македонија
Време денес повремено со пороен дожд и грмежи, температурата ќе достигне 14 степени
Вренето денес ќе биде претежно облачно со повремени врнежи од дожд, наместа пообилни (и над 20 л/м²) и поројни, проследени со грмежи особено во западните и јужните делови од земјата. Ќе дува слаб до умерен, а долж Повардарието и во источните делови повремено засилен ветер од југоисточен правец. Минималната температура ќе биде во интервал од 4 до 10, а максималната ќе достигне од 11 до 17 степен.
Во Скопје облачно со повремени врнежи од дожд повремено пороен и проследен со грмежи. Ќе дува слаб до умерен јужен ветер. Минималната температура ќе се спушти до 6, а максималната ќе достигне до 14 степени, јавува УХМР.
Ветерот долж Повардарието ќе продолжи да засилува и во среда. Во среда и четврток ќе има локална појава на повремено пороен дожд и услови за грмежи. Потоа следи период на претежно стабилно и постепено потопло време.