Македонија
Македонските државјани не знаеле дека пренесуваат кокаин?

Македонските државјани кои го превезувале камионот, натоварен со кокаин, според неофицијални информации, не знаеле дека пренесуваат дрога.
Македонските државјани кои го превезувале камионот, натоварен со кокаин, според неофицијални информации, не знаеле дека пренесуваат дрога.
Во акцијата што ја иницирала шпанската полиција и преку Интерпол информирала за случајот, била вклучена и македонската полиција.
Од македонското МВР велат дека имало договор меѓу полициите дрогата да не се запленува се додека не дојде во рацете на нарачателот, па поради тоа камионот ја минал цела Европа. Македонските власти го пуштиле камионот преку граничниот премин Ќафасан, во неделата.
Според информации од македонската полиција, албанската полиција предвреме соопштила дека запленила дрога иако шпанската полиција ја иницирала акцијата.
Двајца македонски државјани вчера беа уапсени во Албанија при обид да прошверцуваат 200 килограми кокаин.
Кокаинот вреден 15 милиони евра кој бил запленет во градот Ѓирокастро, на југот на Албанија бил спакуван заедно со десет тони масло од палма, наменет за бизнисмен од овој град, односно производител на колачи.
Според неофицијални информации, тој го нарачал маслото, а задачата на кумановската фирма била само да го пренесе маслото.
Камионот со кумановски регистерски табличкии пред да влезе во Албанија, како што наведува обвинителството поминал низ повеќе европски земји вклучувајќи ја и Шпанија, Белгија, Австрија, Словенија, Хрватска Србија и Македонија.
Според извори блиски до обвинителството, дрогата требало преку процес на дестилација да биде издвоена од маслото од палма.
Албанската полиција соопшти дека уапсила најмалку пет лица поврзани со шверцот на кокаин меѓу кои и македонските државјани.
Албанија е важна земја на патот на дрогата кон западноевропските земји. Меѓу 25 и 30 отсто од дрогата на европскиот пазар која доаѓа од Балканот, се пренесува преку Албанија.
Се работи за најголема количина дрога фатена досега во Албанија, па и во последно време во Европа. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Вилијам Михајловски, осуден на 14 години затвор, ќе ја води Комисијата за безбедност и правда на Единствена Македонија

Централниот комитет на Единствена Македонија на дводневната седница во Охрид меѓудругото донесе и неколку кадровски одлуки од своја надлежност.
„Беше избран нов Извршен комитет, а воедно за генерален секретар беше избран Милан Јовчески, а за член на Извршниот комитет беше избран уставобранителот Вилијам Михајловски – Гајда во моментот неоправдано осуден на 14 години затвор за Македонија. Вилијам Михајловски како член на Извршниот комитет ќе ја води и Комисијата на Единствена Македонија за внатрешна безбедност, одбрана, правда и политички затвореници“, соопштија од партијата.
Централниот комитет утврди 29 кандидатски листи за локалните избори, а уште шест се во постапка за утврдување на следната седница на Централниот комитет.
Од партијата соопштија дека е донесена и одлука за кандидат за градоначалник на Град Скопје.
Македонија
Османи формира тим во Чаир со задача да донесе милион евра од европските фондови

Кандидатот за градоначалник на Чаир, Бујар Османи, денес го најави формирањето на специјална Task Force единица посветена на IPA фондовите, со јасна цел – европските средства да дојдат директно во оваа општина.
„Три години бев државен координатор за IPA фондовите. Знам како функционираат овие програми, каде се можностите и кои се луѓето во Брисел што одлучуваат за нив,“ истакна Османи.
Тој додаде дека од денес Чаир има тим со еден единствен мандат: да донесе милиони евра од европските програми директно во општината.
„Ова значи подобри улици, посилни училишта и побогата заедница. Чаир заслужува да биде директно поврзан со Европската Унија и ние тоа ќе го направиме реалност,“ истакна Османи.
Со оваа иницијатива, додаде тој, Чаир стапува на патот на европска интеграција на локално ниво, користејќи ги можностите што ги носат фондовите на ЕУ.
Македонија
„Таравари не излезе од Владата поради грижа за правата на Албанците, одговорите нека ги побараат во обврските преземани за инвестицијата Ѓока“, реагира ВМРО-ДПМНЕ

„Алијанса на Албанците на Арбен Таравари треба да научи дека кога неосновано критикуваат и измислуваат, притоа ставаат зборови во уста кои не биле кажани од премиерот Мицкоски, ќе добијат аргументиран и издржан одговор“, реагира ВМРО-ДПМНЕ на соопштението на Алијансата за Албанците.
„А вистината зошто излегоа од Владата не се крие во грижата на Таравари за Албанците ниту пак борбата за некакво подобрување на нивните права.
Вистината е многу едноставна и болна.
Членовите и заинтересираните за вистината одговорите нека ги побараат во една инвестиција на Таравари што се вика Ѓока. Какви обврски превземал и какви услови прифатил. Тоа не е наш проблем. Оставаме сами да си ги решат“, се додава во реакцијата на ВМРО-ДПМНЕ.