Во просториите на Градското собрание денеска беше отворена Канцеларијата за управување со енергијата и Инфо центарот за енергетска ефикасност и обновливи извори, како дел од Регионалниот проект за „Градење на капацитетите за управување со енергијата во градовите“, целосно финансирана од ГИЗ.

Во просториите на Градското собрание денеска беше отворена Канцеларијата за управување со енергијата и Инфо центарот за енергетска ефикасност и обновливи извори, како дел од Регионалниот проект за „Градење на капацитетите за управување со енергијата во градовите“, целосно финансирана од ГИЗ.Во канцеларијата ќе се врши надзор на потрошената електрична енергија, нафта, гас, и вода во сите објекти кои се во сопственост на градот, анализа на податоците за потрошената енергија, спроведување на енергетски оценки за објектите во развој и предлагање на проекти за подобрување на енергетска ефикасност, подготовка на извештаи за потрошената енергија и за постигнатите резултати, подготовка на проекти за пристап до разни ЕУ фондови и нивно следење, планирање на енергијата на локално ниво и раководење на енергетските ресурси.Градоначалникот Коце Трајановски кој денеска заедно со заменик амбасадорот на Германија, Валтер Лојкс, ја отворија канцеларијата истакна дека Градот веќе започна серија активности  и проекти за подобрување на енергетската ефикасност, меѓу кои потпишувањето на меморандумот за разбирање со градоначалниците на Љубљана, Сараево и Подгорица.„Со Иницијативата наречена повелба на градоначалниците на Европската Унија, Скопје влезе во клубот на градови чија цел е да ги намалат емитувањата на стакленични гасови за повеќе од 20 отсто до 2020 година. Лично ја потпишав во мај 2010 година во Брисел заедно со уште 1 700 други градоначалници“ – рече ТрајановскиТрајановски истакна дека градот има за цел да ги намали трошоците за енергија во износ од најмалку пет отсто, секоја година во текот на следните пет години, да ја намали емисијата на стакленички гасови на минимум за истиот период, да управува со трошоците за енергија за подобрување на економската ефикасност на објектите и континуирано да работи на зачувување на животната средина. Според заменикот на германскиот амбасадор Валтер Лојкс, во оваа држава постојат уште многу можности за искористување на обновливите енергии, а една од нив е поставувањето на термосоларни постројки на самите кровови за снабдување на домаќинството со топла вода. Претставникот на Отворениот регионален фонд за Југоисточна Европа – Енергетска ефикасност и раководител на проектот Владимир Калински рече дека една од целите на инфо центарот е на граѓаните на Македонија да им ја приближи темата, како да се намалат трошоците за енергија во нивните домови.„Една од мерките е да им се приближи на граѓаните енергетската ефикасност и обновливите извори на енергија во овој денешен свет кога енергијата и климата во самите политички односи се две најважни теми – истакна Калински.Константин Димитров кој е дел од тимот кој го изработува акциониот план за енергетска ефикасност на Скопје смета дека загадувањето на животната средина може да се намали во сообраќајот, во јавното осветлување и во намалување на трошоците за загревање на зградите.„Треба да се предвиди од каде ние загадуваме. Зградите многу трошат енергија за загревање, бидејќи немаат добра изолација, трошат многу повеќе енергија. Втора насока е сообраќајот. Сите мерки кои се предвидени во акциониот план за енергетска ефикасност што треба градот скопје да превземе во следните десет години е да се намали загадувањето од автомобилите, што подразбира подобар јавен превоз и подземни улици под центар на Скопје. А со релативно мали инвестиции и во јавното осветлување можат да се постигнат добри заштеди“ – додаде Димитров. крај/к.с