Вицепремиерот за европски прашања, Васко Наумовски, евроамбасадорот Петер Соренсен и копретседавачот на Мешовитиот парламентарен комитет меѓу Македонија и ЕУ,

Вицепремиерот за европски прашања, Васко Наумовски, евроамбасадорот Петер Соренсен и копретседавачот на Мешовитиот парламентарен комитет меѓу Македонија и ЕУ, Александар Спасеновски денеска  ја претставија публикацијата „Да ја запознаеме Европа“ во основното училиште „Св. Кирил и Методиј“ во Скопје, која е продолжение на активностите за промоција на европските вредности.„Почнувајќи од најмладите денеска го посетуваме ова училиште со цел да ги запознаеме што е тоа Европа, каде се движи нашата држава, какви се придобивките од живеење во заедничкото европско семејство и во заедничкиот европски дом. Ние сме цврсто уверени дека граѓаните на Република Македонија имаат јасна визија дека треба да бидеме дел од ЕУ“, изјави Наумовски пред средбата со учениците.Според него  нема дилема дека исто онака како што сите држави од централна Источна Европа откако станаа држави членки на ЕУ поминаа низ еден процес на економски напредок, зголемување на странските инвестиции, намалување на невработеноста и подигнување на стандардот, таков ќе биде случајот и со Македонија. Како што рече Наумовски, тоа е и најголемата причина зошто македонските граѓани треба да бидат запознаени со европските вредности“, изјави вицепремиерот за европски прашања, Васко Наумовски.Публикацијата како што информираше Наумовски е адаптирана преку слики и цртежи на најмладите да им биде претставена Европската Унија и со тоа да можат да ги разберат поволностите што таа ги нуди.„Иднината на оваа земја е во најмладите и затоа е важно тие да бидат едуцирани“, рече Соренсен и додаде дека тој ќе ги истакне вредностите на ЕУ и оти  работи напорно за да може што побрзо на децата да им соопшти дека Македонија е дел од европското семејство./крај/бд