Претставниците на бизнис заедницата побараа итно усогласување на наставната програма на високообразовните институции со реалната ситуација и потребите на пазарот на трудот.

Претставниците на бизнис заедницата побараа итно усогласување на наставната програма на високообразовните институции со реалната ситуација и потребите на пазарот на трудот.„Во значајна мерка треба да посветиме внимание на она што универзитетите кај своите ученици го произведуваат како квалитет на знаењата. Веќе подолго време во Македонија промената на наставните програми оди многу споро, и не е во складот на она што се барањата на реалниот свет“, рече Антони Пешев од Стопанската комора на Македонија додавајќи дека компаниите се наоѓаат на повисоко ниво од нивото кое излегува од образовните институции. Тој се пожали дека компаниите мора да инвестираат многу додека еден млад човек кој поминал четири години во некоја високо образовна институција може да биде употреблив во рамките на производството што според него е грешка на неусогласените програми низ кои поминува студентот.Претседателот на Сојузот на стопански комори, Златко Калеников рече дека било какви реформи во образовниот систем се бескорисни се додека политичарите од позицијата и опозицијата не направат консензус по економски прашања и не создадат програма за економски раст на Република Македонија.„Без економски раст, ние можеме колку сакаме да го реформираме образованието и стручноста на кадрите кои ќе излегуваат, тоа ќе биде џабе доколку нема кај да се вработат. Министерот треба да влијае како дел од оваа Влада на тие седници на Влада да не се дозволи нарушување на пазарот на Македонија и да се направи програма за економски раст на Република Македонија“, рече Калеников и додаде дека треба да се постигне и интерактивност на бизнис секторот со факултетите и министерството за образование.„Има факултети од кои воопшто не ги погледнуваме CV-ата, јас нема да кажам денеска кои се тие факултети, но ние како бизнис сектор трошиме многу пари, конкретно во мојот сектор јас трошам од 40 и 80 илјади евра за едукација на кадрите кои ги вработувам. Кој е мојот интерес тука?“, рече тој. Исто така порача и на факултетите да се примаат студенти на факултетите во зависност од потребите на бизнис секторот.Министерот за образование и наука, Никола Тодоров рече дека е потребно многу акумулирано знаење кај граѓаните за да се постигне технолошки базиран економски раст. „Апелирам до универзитетите да го спроведат она што како политика заедно го утврдивме, да почнат да организираат практична настава за сите студенти од прва година, да почнат клиничка настава и да викаат истакнати стручњаци од праксата кои ќе држат предавања на нивните универзитети“, рече Тодоров.Министерот за образование и наука се сретна со претставници од стопанските комори и со претставници од универзитетите на тркалезна маса „Трансфер на знаење – универзитет – бизнис – универзитет“. /крај/ко