Македонија
???? 86 ??????????? ??? ????
Согласноста за нови 86 вработувања при Универзитетот „Св. Кирил и Методиј“ денеска официјално ја потврди министерот за образование и наука, Никола Тодоров.
Согласноста за нови 86 вработувања при Универзитетот „Св. Кирил и Методиј“ денеска официјално ја потврди министерот за образование и наука, Никола Тодоров. Поголемиот број од работните места се однесуваат на наставниот кадар. Покрај тоа, е распишан и конкурс за првите докторанти кои ќе можат да се запишат на Универзитетите во Република Македонија.„Давањето согласност за 86 вработувања на УКИМ, претежно за наставен кадар како и првите решение за почеток на работа за трет циклус на студии, сакав да го потенцирам како нова димензија, нов чекор во македонското високо образование со воведување на докторски студии, за коишто искрено во наскоро време се надевам дека ќе започнат со работа“ изјави Тодоров.Тој додаде дека обновата на кадарот во високо образование ќе овозможи една комплетна екипираност и квалитет на Универзитетот. „Минатата година обезбедивме над 45 согласности, оваа година 86 работни места, а наредната година ќе овозможиме уште поголем број согласности“ вели Тодоров.Следниот проект кој го најави министерот е изградбата на меѓународното училиште за основно и средно образование кое ќе биде целосно промовирано идниот месец. Во училиштето наставата ќе се одржува на еден од светските јазици,англиски, германски или француски. Во него ќе имаат можност да се запишат децата на дипломатите како и оние кои ќе ги исполнат условите./крај/макфакс/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

