Македонија
??????? ?????????? ?? ???????, ?? ??? ????? ?????? ?? ???????? ?????
Скопска Апелација ја укинала пресудата на Основниот суд од Велес за случајот Ореше, со која за убиството на 74-годишниот Лазар Милошевски, на 12-годишна затворска казна беа осудени браќата Ордан и Љубомир Георгиевски.
Скопска Апелација ја укинала пресудата на Основниот суд од Велес за случајот Ореше, со која за убиството на 74-годишниот Лазар Милошевски, на 12-годишна затворска казна беа осудени браќата Ордан и Љубомир Георгиевски. По одлуката на Апелација браќата од денес по поминати 27 месеци во притвор се на слобода.
Од велешкиот суд велат дека сеуште го немаат добиено решението од Апелација. Но за ваквата разврска сепак се информирани, потврдуваат дека за случајот Ореше наскоро ќе има ново, трето судење.
Браќата Ордан и Љубомир се сомничат дека пред шест години за 50 илјади долари кои им ги исплатил Ѓоре Петревски го убиле 74 годишниот Лазар Милошевски. Додека на браќата им се судеше во Велес, според обвинението нарачателот на убиството Петревски е во имиграционен затвор во САД.
Крвна освета, така стои во обвинителниот акт е причина за убиството во велешкото село Ореше. Дали и овој пат истиот пет член кривичен судски совет ќе им суди на браќата Ѓоргиевски од судот без конкретен одговор.
„Утре кога веројатно ќе го добиеме решението ќе биде многу појасно рече за веб порталот „Лисица“ Илија Танев, судијата кој во два наврати досудуваше казна затвор за Ордан и Љубомир од по 12 години. крај/lisica.mk/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето утре – променливо облачно со сончеви периоди
Времето утре ќе биде променливо облачно со сончеви периоди. Попладне во источните делови ќе има повремен локален дожд. Ќе дува слаб до умерен ветер од северозападен, а во западните делови од западен правец. Минималната температура ќе биде во интервал од 0 до 7, а максималната ќе достигне од 13 до 20 степени.
Во Скопје променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 19 степени.
Продолжува периодот на променливо облачно време со повремени локални врнежи од дожд. Во недела и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.
Македонија
Ибраимоски и Глигорова: „СТОП за исвршителите, брзите кредити и должничкото ропство“ е еден од главните постулати на програмата „Храбро за Македонија“
Носителот на пратеничката листа на коалицијата „Храбро за Македонија“ во изборната единица пет, Самка Ибраимоски, денеска заедно со активистката и кандидатка за пратеничка Ана Глигорова ја посетија Битола каде се потпишуваше петицијата „СТОП за извршителите и брзите кредити“.
Воедно, Ибраимоски и Глигорова нагласија дека оваа борба за правда, за враќање на извршителите кадешто им е местото и ослободување на народот од должничко ропство е еден од главните приоритети на предизборната програма на коалицијата „Храбро за Македонија“.
– Денеска бевме во Битола, на средба со граѓани. Имавме петиција за „СТОП на извршителите“ и стоп за кеш кредити, успешна петиција. Суштината на нашата кампања во изборна единица пет, ќе биде токму оваа агенда: „СТОП за извршители и СТОП за брзи кредити“. – нагласи Глигорова.
– Ме радува што сите граѓани ја прифатија нашата иницијатива и се потпишаа многу луѓе и тоа е добро, што народот почна поинаку да размислува за разлика од претходно. И очекувам дека и во другите градови, како што се Ресен, Охрид, Струга, Демир Хисар и другите околни места, ќе ни ја дадат поддршката за парламентарните избори, истакна претседателот на ПЦЕР и носител на пратеничката листа, Самка Ибраимоски.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.