Македонија
????? ?? ??????? ??????????????? ?????????? ? ????????
Корпорацијата Интел денеска ги награди најиновативните одделенски наставници и училишта кои најбрзо ја усвоиле технологијата и компјутерите во наставата.
Корпорацијата Интел денеска ги награди најиновативните одделенски наставници и училишта кои најбрзо ја усвоиле технологијата и компјутерите во наставата.Наградени беа осум основни училишта и девет наставници од целата земја. Првата награда на национално ниво за „присвојување на технологијата и иновацијата“ ја доби основното училиште „Илинден“ од Крива Паланка. За најиновативен наставник во цела Македонија, беше прогласен Добри Јовевски од истото училиште.„Да се биде иновативен наставник во 21 век значи да ја интегрираме содржината која ја работиме со компјутерската технологија. Иновативноста и креативноста и мотивираноста на учениците да ги покажат своите вештини за работа со компјутерот, кажува дека има резултати во целокупната работа“, рече Добри Јовевски, добитникот на првата награда.Наградата ја добиваат наставниците кои одржуваат настава во духот на 21-от век и чија имагинација и креативност е во духот на користење на технологијата и трансформирањето на начинот на кој учениците во основното образование учат. Во програмата на Интел учествувале повеќе од 400 наставници и 137 основни училишта од цела Македонија. /крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДПИ со засилени контроли: издадени се 96 прекршочни платни налози во износ од 2,8 милиони денари
Државниот пазарен инспекторат во текот на месец декември спроведе засилени инспекциски надзори кај угостителските објекти на територија на цела држава со цел утврдување на почитување на законските одредби од Законот за угостителска дејност и Законот за заштита од пушењето.
Во наведениот период извршени се вкупно 542 инспекциски надзори, односно 269 надзори врз основа на Законот за угостителска дејност и 273 надзори врз основа на Законот за заштита од пушењето.
При извршените инспекциски надзори кај дел од правните субјекти беа утврдени неправилности и согласно законските одредби издадени се 96 прекршочни платни налози во износ од 2.823.870,00 денари. Како резултат на утврдените прекршоци изречени се и 26 мерки – привремена забрана за вршење на дејност.
„Државниот пазарен инспекторат ќе продолжи со спроведување на инспекциските надзори и во наредниот период во пресрет на празниците со цел заштита на јавниот интерес на граѓаните. Упатуваме апел до угостителите да ги почитуваат законските обврски кои се однесуваат на нивното работење“, се наведува во соопштението.
фото/депозитфотос
Македонија
Граделе во заштитена зона на Шара – кривична за двајца мажи
Двајца мажи се соочуваат со кривична пријава откако, според полицијата, нелегално граделе во зона на Националниот парк „Шар Планина“.
Станува збор за Ф.Ш. (65) од Тетово и И.А. (45) од селото Бродец, кои во текот на 2025 година, во атарот на селото Гајре, изградиле шест бетонски столбови без да обезбедат дозвола за градба од Општина Тетово.
Кривичната е поднесена кривична пријава за „бесправно градење“.
Македонија
Кривична пријава за директор на студентски дом поради несовесно работење
Полицијата поднесе кривична пријава против Н.Ј. (57) од селото Таринци, општина Карбинци, поради постоење основи на сомнение за сторено кривично дело „несовесно работење во службата“.
Според пријавата, на 29 и 31 мај 2024 година, Н.Ј., во својство на директор на Државен студентски дом „Браќа Миладиновци” во Штип, постапил спротивно на член 40 од Законот за јавни набавки.
Тој извршил плаќање на фактури во вкупен износ од 84.320 денари за сместување, односно ноќевање за себе и за ученици од студентскиот дом во два хотели во Охрид, без да спроведе соодветна постапка за јавна набавка, соопшти полицијата.

