„161 тендер за една фирма вредни 5,3 милиони евра, тендери од 9 милиони за друга фирма со двајца вработени, милионски износи за фирма на студентот на Мицкоски. Дури и по европските пари посегна власта за што ЕУ ја суспендираше ИПАРД 3 програмата“, велат од СДСМ.

„Наместо инвестиции во мерки и политики за намалување на загадувањето парите на граѓаните завршуваат во криминални тендери преку кои се пумпаат милиони евра.

Мицкоски најавуваше 1 милијарда евра инвестиции за чист воздух и намалувањето на загадувањето за 50% но наместо тоа ги намали парите за чист воздух за 51%!

Владата на ДПМНЕ нема пари за чист воздух, нема пари за бесплатен јавен превоз, нема пари за филтри, за еколошко греење, еколошки проекти, за итни интервенции.

Само за криминални тендери има пари.

Изборот на ДПМНЕ е крадење на народот и лично богатење наместо јавното здравје на скопјани.

Во времето на СДСМ се презедоа низа на мерки со Планот за чист воздух и во тие години започна тренд на постепено намалување на загадувањето.

Штетните честички ПМ 2.5 во воздухот се намалија за -564kg на годишно ниво, а честичките МП 10 за – 735kg исто така на годишно ниво. И тоа граѓаните го знаат.

СДСМ бара прогласување еколошка и здравствена кризна состојба во Скопје и свикување на итна седница на Советот на Град Скопје за што имаме и конкретни мерки за намалување на загадувањето.

Но, за да може да се реализира некоја мерка мора крадењето на народот да запре а сите виновни да понесат одговорност согласно закон.

На криминалот и корупцијата мора да им се стави крај“, соопштуваат од СДСМ.

Од ВМРО-ДПМНЕ оценуваат дека „новото“ раководство на СДСМ се сведува на група луѓе блиски до поранешниот партиски лидер Зоран Заев, наведувајќи дека нема граница која претседателот на СДСМ, Венко Филипче, не е подготвен да ја помине за да ги задоволи неговите апетити и агенда.

Во соопштението се посочува дека на листата за Извршниот одбор на „новото“ СДС се нашол и Јон Фрчкоски, син на партискиот идеолог. Според ВМРО-ДПМНЕ, во СДС има лица кои се компромитирани, лица кои ги злоупотребиле своите службени позиции, како и лица кои, како што се наведува, ќе направат сè за да останат блиски до поранешниот лидер на партијата.

Од партијата потсетуваат дека за Јон Фрчкоски пред неколку месеци во јавноста биле објавени фотографии на кои, како што тврдат, јасно се гледа како користи психотропни супстанци на своето работно место.

Во соопштението се наведува дека Филипче немал коментар за ова, ниту се оградил, а кога Фрчкоски се обидел да поднесе оставка од функцијата директор на Центарот за аналитика на СДС, таа не била изнесена пред Централниот одбор на партијата. Како што се цитира изјавата на Фрчкоски од минатата недела: „Не се враќам, никогаш не излегов, мојата оставка не беше разгледана“.

Од ВМРО-ДПМНЕ додаваат дека Фрчкоски никогаш не одговорил на прашањата поврзани со наводите, како што се каде ја користел дрогата и од каде му била истата.

Во соопштението се поставува и прашањето дали во СДС владеат правила на, како што се наведува, „паралелна реалност“, со оглед на тоа што, според партијата, раководството е целосно отсечено од јавната перцепција и ги претставува како „нови“ лица кои, како што тврдат, одамна се компромитирани, а некои и јавно политички потрошени.

„Европската Комисија ја суспендирала исплатата за европската ИПАРД 3 програма, поради корупцијата на ДПМНЕ. Десет дена власта молчи за оваа одлука. Причина: злоупотребите на европските пари од страна на власта, за кои директорот на Агенцијата за финансиска поддршка за земјоделството и руралниот развој од редовите на ДПМНЕ беше уапсен“, велат од СДСМ.

„Но, случајот мора целосно да се расчисти и сите инволвирани да одговараат, особено лицата блиски до Мицкоски. И Мицкоски треба да одговара за ваков скандал.

Дали се сеќававте кога изби скандалот како ДПМНЕ и кујните за лаги го обвинуваа претседателот Филипче за ова, како објавуваа лаги за Заев кој е во политичка пензија 5 години, за Николовски?

Дали сега на сите им е јасна улогата на фабриката за лаги на ДПМНЕ?

Токму она што говори СДСМ и постојано го разоткирва: дека нападите кон опозицијата, кон СДСМ, претседателот Филипче служат за дефокусирање од темите, како оваа дека ДПМНЕ се фатени во корупцијата и криминал со ИПАРД.

И токму поради корупцијата на ДПМНЕ сега е зададен силен удар врз развојот на земјоделството. Земјоделците и агробизнисмените кои планирале или веќе реализираат инвестиции, сега ќе останат и без пари и без инвестиции, поради корупцијата на ДПМНЕ.

Скандалот со ИПАРД 3 програмата, вредна 130 милиони евра, не е изолиран случај, туку дел од поширокиот криминален модел на ДПМНЕ.

Ова е потврда на она што СДСМ цело време го говори. Корупцијата на ДПМНЕ метастазираше во секоја пора од општеството.

На ДПМНЕ им се важни нивните тендери: 161 тендер за 5,3 милиони евра, 9 милиони евра за една фирма со двајца вработени. Нив воопшто не ги интересираат земјоделците туку крминалните тендери.

СДСМ бара брза, темелна и транспаретна истрага, сите инволвирани во овој огромен корупциски стандард мора да одговараат“, соопштуваат од СДСМ.