Македонија
???????: ?????? ?? ?????? ?????? ??????
Професорот Џејмс Крафорд, дел од грчката одбрана во процесот пред Меѓународниот суд на правдата во Хаг, тврди дека Македонија не понудила клучни докази со кои ќе го докажела противењето на Грција на нејзиното зачленување во НАТО-алијансата на самитот во Букурешт во 2008 година.
Професорот Џејмс Крафорд, дел од грчката одбрана во процесот пред Меѓународниот суд на правдата во Хаг, тврди дека Македонија не понудила клучни докази со кои ќе го докажела противењето на Грција на нејзиното зачленување во НАТО-алијансата на самитот во Букурешт во 2008 година. Смета дека недостаток на тужбеното барање е отсуството на формални документи од алијансата. „Подносителот (Македонија) вели дека не се потребни формални документи од НАТО за да се утврди прекршувањето на Времената спогодба, затоа што нивното тужбено барање се однесува на Грција, а не на НАТО. Меѓутоа, мора да се каже дека прашањето не се однесува на однесувањето на Грција, туку дали НАТО го поканил подносителот да се зачлени или не. Подносителот тврди дека е прекршена конкретна одредба и мора да даде конкретни докази за прекршувањето, без разлика дали се работи за колективна или поединечна одговорност. Единствениот доказ кој би можел да биде поднесен во смисла на член 11, став 1 не беше поднесен од страна на подносителот“, рече Крафорд. Тој го повтори грчкото гледиште дека надминувањето на спорот со името е во рамки на условот за добрососедски односи за влез во алијансата. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.
Сервисни информации
Преку денот сончево со мала до умерена облачност, утрото претежно ведро и наместа постудено
Времето денеска со претежно ведро и наместа постудено утро. Преку денот ќе биде сончево со мала до умерена облачност. Попладне во планинските региони ќе има услови за краткотраен локален дожд. Ќе дува слаб до умерен ветер претежно од западен правец. Минималната температура ќе биде во интервал од -1 до 7, а максималната ќе достигне од 16 до 23 степени.
Во Скопје ќе биде сончево со мала до умерена облачност и со слаб ветер од северозападен правец. Минималната температура ќе се спушти до 3, а максималната ќе достигне до 21 степен.
Во сабота попладне ќе има услови за локална нестабилност со краткотраен пороен дожд и грмежи. Потоа следува период на стабилно и топло време.
Скопје
Без струја делови од општините Петровец, Ѓорче Петров и Сарај
ЕВН Македонија АД известуваат дека без електрична енергија денеска ќе останат делови од општините Петровец, Ѓорче Петвов и Сарај.
– во периодот од 08.30 до 14.30 часот, корисниците од с. Кожле, Тунел Катланово, с.Бадар (општина Петровец)
– во периодот од 09.00 до 11.00 часот, корисниците од дел од ул. 52 кон обиколница во Стопански Двор ( општина Ѓорче Петвов )
– во периодот од 09.00 до 11.00 часот, дел од корисниците во Сарај кај општината (општина Сарај)