Во Средното медицинското училиште „Панче Караѓозов“ во Скопје, од средината на март се реализира обука според наставна програма за работно оспособување на болничар во медицинска установа.

Во Средното медицинското училиште „Панче Караѓозов“ во Скопје, од средината на март се реализира обука според наставна програма за работно оспособување на болничар во медицинска установа. Обуката се реализира како одговор на резултатите од анализите на пазарот на трудот, според кои во 2011 година, 24 правни субјекти од здравствената струка опфатени во анализата, пројавиле интерес, односно потреба од вработување на 46 медицински негователки.Според истите анализи, во здравствената струка од особен интерес се и вештините за занимањата: палијативна негователка, односно негователка за терминално болни пациенти сместени во болнички и домашни услови, геронтолошка негователка, патронажна негователка и забен асистент.„Ќе овозможиме преквалификација и доедуцирање на лица кои по завршувањето на едукацијата полесно ќе можат да најдат работа. Ќе едуцираме лица за работа во дефицитарни струки. Овие што ќе се доедуцираат најголемиот дел од нив ќе можат да најдат работа. Структурата на едукација директно влијае на структурата на вработеност. Министeрството за образование од неповолната структура на невработени, односно оние со ниско ниво на образование ќе се обидеме да ги доедуцираме и преквалификуваме и да ги оспособиме за работат онаму каде за тоа ќе има потреба. Да креираме понуда на работна сила на пазарот на трудот каква што има побарувачка,“ изјави министерот за образование Никола Тодоров.„Овие обуки можат да ги посетуваат и лица кои немаат никакво медицинско предзнаење. Ќе добијат сертификати со кои полесно ќе можат да се вработат,“ изјави Марјан Алабаковски, директор на Медицинското училиште. Обуките за негователки ќе траат 4 месеци, односно 3 месеци теоретска и практична предклиничка настава и 1 месец практична работа кај социјален партнер – здравствена установа. Анализите говорат дека на пазарот на трудот има побарувачка за специфични работни вештини од повеќе струки од производната дејност, но најмногу од eлектротехничката, машинската и  градежната, а во делот на услужните дејности најмногу во угостителството и здравството.Со преквалификација и доедукација ќе се намалува бројот на невработените кои во изминатите години од било кои причини останале без работа или не нашле работа по завршување на образованието. крај/сж